Tags-Phool

kam raushan ik ḳhvāb ā.īna ik piilā murjhāyā phuul
pas-manzar ke sannāTe meñ ek nadī pathrīlī sī

phir nazar meñ phuul mahke dil meñ phir sham.eñ jalīñ
phir tasavvur ne liyā us bazm meñ jaane kā naam

nāla-e-sabā tanhā phuul kī hañsī tanhā
is chaman kī duniyā meñ hai kalī kalī tanhā

koī kapḌe pe buuTe kāḌhe koī phuul banā.e
koī apnā bālak paale koī ghar ko sajā.e

firāq bichhḌī huī ḳhushbuoñ kā sah na sakeñ
to phuul apnā badan paarā paarā karte haiñ

so dekh kar tire ruḳhsār o lab yaqīñ aayā
ki phuul khilte haiñ gulzār ke alāva bhī

maiñ to aas thī maiñ to pyaas thī kisī phuul kī maiñ bhī baas thī
mirī pattiyāñ gireñ jā-ba-jā unheñ shāḳh par to sajā piyā

us se mil kar phuul shabnam chāñdnī
ho ga.e sab isti.āre mustarad

surma.ī āñkhoñ ke nīche phuul se khilne lage
kahte kahte kuchh kisī kā sochnā achchhā lagā

koī lams thā jo sarāpā aañkh banā rahā
koī phuul jhāñktā rah gayā kisī shaal se

phuul shāḳhoñ pe khile aap se aur phir na mile
mausam-e-hijr na kuchh tū ne bhī sochā dekhā

āñganoñ meñ phuul the mahke hue
khiḌkiyoñ meñ chāñd thā Thahrā huā

phuul sā nāzuk rishta thā vo ab tum us ko jaane do
kāñToñ se bhar rakkhā thā ham ne apne gul-dānoñ ko

yuuñ tire tasavvur meñ ashk-bār haiñ āñkheñ
jaise shabnamistāñ meñ phuul raqs karte haiñ

roz shaam hotī hai roz ham sañvarte haiñ
phuul sej ke yūñhī sūkhte bikharte haiñ

phuul jitne haiñ tumhāre haar meñ
sab guñdhe haiñ āñsuoñ ke taar meñ

gulshan se phuul chal ke mazāroñ tak aa ga.e
lekin hai bāġhbāñ kī jabīñ par shikan abhī

ġham-e-umr-e-muḳhtasar se abhī be-ḳhabar haiñ kaliyāñ
na chaman meñ pheñk denā kisī phuul ko masal kar

jab ḳhud ko paanā hī mushkil kaam huā
kyuuñ kachche dhāge meñ phuul piro.e haiñ

aane vaalī nasl ke haq meñ duā.eñ kījiye
phuul se chehroñ pe Dar achchhā nahīñ lagtā mujhe