Tags-Phool

tujh ko har phuul meñ uryāñ sote
chāñdnī-rāt ne dekhā hogā

ye merī soḳhta-baḳhtī nahīñ to phir kyā hai
vo phuul laa.e to merā mazār bhī na milā

kyuuñ shikāyat hai mausam-e-gul se
shāḳh par phūl-pāt kam to nahīñ

puure hue haiñ phuul se ik jism ke huzūr
armāñ kuchh aise bhī jo laboñ tak na aa sake

tum ne dekhe haiñ kabhī hār-siñgār
vo dil-āvez se ma.asūm se do-rañge phuul

hijr meñ vasl ke phal-phūl khile rahte haiñ
shāḳh bichhḌe hue mausam se bharī rahtī hai

aaj vo muskurā diye aaj hamārī zindagī
aag se phuul ban ga.ī phuul se jaam ho ga.ī

kaash tum samajh saktīñ zindagī meñ shā.er kī aise din bhī aate haiñ
jab usī ke parvarda chāñd us pe hañste haiñ phuul muskurāte haiñ

ḳhvāb de kar ye phuul laayā huuñ
kahiye mahñgā milā hai yā sastā

sau daaġh jin ke laa.e haiñ zer-e-mazār ham
ehsāñ jatā rahe haiñ vo do phuul Daal ke

shabnamī āñkhoñ ke jugnū kāñpte hoñToñ ke phuul
ek lamha thā jo 'amjad' aaj tak guzrā nahīñ

vaqt ne gard kiyā phuul se chehroñ kā jamāl
par adā baaqī hai andāz abhī baaqī hai

naama kyā aayā ki goyā aa ga.e vo mere paas
phuul jaatī huuñ masarrat se badaltī huuñ libās

ye kaise phuul jhaḌe shīr-ḳhār hoñToñ se
ki jin ke nuur se saarā chaman chamaktā hai

niklī saroñ kī fasl hai gobhī ke khet se
khilte jahāñ ye phuul the kal tak gulāb ke

qurbān jā.ūñ husn-e-qamar intisāb ke
aariz haiñ yā haiñ phuul shagufta gulāb ke

sair-e-gul ko aa.ī thī jis dam savārī aap kī
phuul uTThā thā chaman faḳhr-e-mubārakbād se

kiye haiñ nazr bahut phuul is mohabbat meñ
dayār-e-ishq meñ tab dil-rubā rahī ḳhushbū

ġhunche murjhāte haiñ aur shāḳh se gir jaate haiñ
har kalī phuul hī ban jaa.e zarūrī to nahīñ

ho ga.e phuul zaḳhm-e-dil khil kar
nahīñ jaatī hañsī nahīñ jaatī