Tags-Phool

phuul gul shams o qamar saare hī the
par hameñ in meñ tumhīñ bhaa.e bahut

ik kalī baaġh meñ phuul kyā ban ga.ī
bhañvre aane lage titliyāñ baḌh ga.iiñ

phuul barsā.eñ bisāt aish par
rose vasl yaar kī bāteñ kareñ

'jalīl' kyā baat is suḳhan kī ġhazal meñ hai tāzgī chaman kī
jo sher hai shāḳh nastaran kī jo lafz hai phuul yāsmīñ kā

tumhīñ se rū-e-zamīñ mo.attar tumhīñ se sat.h-e-falak munavvar
tumhīñ to ho phuul yāsmīñ kā tumhīñ to ho chāñd chaudhvīñ kā

na qatl se mere haath khīñcho lahū bahā kar bahār dekho
paḌegī uḌ kar jo chhīñT is kī banegī vo phuul āstīñ kā

'salīm' achchhī ġhazal hai terī maanā
magar ye phuul ghūre par khile haiñ

koñpleñ phuul pattiyāñ dekho
kaun kahtā hai ye kaḌe haiñ peḌ

khilnā kahīñ chhupā bhī hai chāhat ke phuul kā
lī ghar meñ saañs aur galī tak mahak ga.ī

ḳhizāñ ke phuul sañjo.e kitāb meñ rakkhe
fasīl-e-ġham se yuuñ rishta bahāl rakkhā hai

maiñ ne bhī ek johd-e-musalsal meñ kaaT dī
vo umr thī jo phuul se armāñ liye hue

usī ke naam se mansūb hai ġhazal apnī
jo naam phuul khilātā hai din nikāltā hai

kāġhaz ke bane phuul jo gul-dān meñ rakhnā
titlī kī udāsī ko bhī imkān meñ rakhnā

phuul ko chheḌā nahīñ aur 'qais' zaḳhmī ho gayā
munsalik us shāḳh se ik ḳhaar bhī ujlat meñ thā

phuul bāġhoñ meñ jab nahīñ khilte
phuul gamloñ meñ ham khilā.eñ kyā

maiñ thā aur phuul the ik gosha-e-tanhā.ī meñ
ham se kuchh duur parinde bhī the gahrā.ī meñ

hasratoñ kī hasīn qabroñ par
phuul barsāo! vaqt nāzuk hai

phuul ke zaḳhm ba.ad meñ pochheñ
haath kāñToñ se chhil gayā pahle

der ke ba.ad mire āñgan meñ
surḳh anaar kā phuul khilā thā

chāñd ke dil meñ jaltā sūraj
phuul ke siine meñ kāñTā thā