Tags-Phool

kuchh phuul the vo bhī suukh ga.e
ik hasrat sī gul-dān meñ hai

ik vahī phuul mayassar na huā dāman ko
jis kī ḳhushbū merī rag rag meñ samā.ī huī hai

gul phuul se bhī apne dil to nahīñ lagte Tuk
jī logoñ ke be-jānāñ kis taur bahalte haiñ

phuul khilte haiñ mujh meñ sheroñ ke
ek misra samā.e baiThī huuñ

kahte haiñ bahār aa.ī gul phuul nikalte haiñ
ham kunj-e-qafas meñ haiñ dil sīnoñ meñ jalte haiñ

bahut taaza havā aatī bahut se phuul khil jaate
makān-e-dil kā tum apne agar naqsha badal lete

phūloñ meñ vahī to phuul Thahrā
jo tere salām ko khilā ho

rañg bikhreñge to fariyād karegī ḳhushbū
tum kisī phuul ko chuTkī se masal kar dekho

tū shāḳh shāḳh pe baiThā hai phuul kī sūrat
maiñ ḳhaar ḳhaar se uljhūñ to tujh se baat karūñ

regzāroñ meñ kahīñ phuul khilā karte haiñ
raushnī kho ga.ī aa kar mire vīrāne tak

shīshe ke ik gilās meñ nargis ke phuul haiñ
ik mez par haiñ chand risāle paḌe hue

jab tak khile hue the diloñ meñ ġharaz ke phuul
tum bhī hamāre ham bhī tumhāre bane rahe

tumhāre hoñToñ pe giit ke phuul muskurā.e ki tum ne apne libās ko yuuñ utaar pheñkā
ki jaise raagī ne taan lī ho

jis ke sho.aloñ se numū pā.eñge kuchh phuul na.e
aag siine meñ vo dahkā.e hue haiñ ham log

ḳhudā ne banā.ī hai ye kā.enāt
ye phal phuul paude ye din aur raat

jañgal ke phuul hī sahī lekin haiñ kaam ke
saath un ke bhī qayām kabhī kar liyā kareñ

ye to gulistānoñ meñ roz ke qisse haiñ
phuul khile khil kar shāḳhoñ se duur hue

phuul se mausam kī barsāteñ havāoñ kī mahak
ab ke mausam kī vo sab shāmeñ suhānī le gayā

mahak rahī hai fazā us badan kī ḳhushbū se
chaman harā-bharā hai phuul bhī khile hue haiñ

ḳhushbueñ ḳhushbuoñ se miltī haiñ
kis liye phuul haath maltā hai