Tags-Phool

kisī kisī phuul par kisī shāḳh par kahīñ ab Thahartī nahīñ nazar
mire āshiyāne ke saath meñ mire hausle bhī to jal ga.e

mire āsmāñ ke liye na thā koī phuul ātish-e-sub.h kā
so mire lahū ke charāġh ne ka.ī sard rātoñ se jañg kī

na koī shāḳh-e-ibārat na koī lafz kā phuul
ye ahd bāñjh hai qaht-e-hunar se zāhir hai

yuuñ araq jalva-gar hai us muñh par
jis tarah os phuul par dekho

taqdīr gulistāñ kī badal detā hai vo phuul
paḌ jaatā hai jis phuul pe talvār kā saaya

titliyoñ ke paañv meñ phuul phuul zanjīreñ
ḳhushbuoñ kī bastī meñ ḳhvāb ḳhvāb ta.abīreñ

phuul ban kar khilo koī ḳhushbū bano kuchh mudāvā karo
kah rahī hai falak nā-rasīda duā shahr vaalo suno

har ek rañg ke phuul us meñ haiñ sharīk-e-bahār
hamārā mushtarak ik gulistāñ hai aur ham haiñ

bhejtā rahtā hai gum-nām ḳhatoñ meñ kuchh phuul
is qadar kis ko mohabbat hai mirī zaat ke saath

sunahre vaqt meñ reg-e-ravāñ ye phuul khilā
vo qissa pyaar kā le kar ga.e haiñ ḳhvāb kahāñ

phuul meñ us kā lahū bahtā hai
chāñd ko us kī qabā kahte haiñ

charāġh ne phuul ko janm denā shurūa kar diyā hai
duur bahut duur merā janm din rahtā hai

tū ne teġh se lahū kī buuñd girā.ī thī
maiñ dhartī se phuul uThāne aayā huuñ

phuul gul shams o qamar saare hī the
par hameñ un meñ tumhīñ bhaa.e bahut

yād-e-gul-e-ruḳh se phuul jhaḌte haiñ
kis bashāshat se nau-bahār hai sham.a

phuul par baiThī huī titlī achānak uḌ ga.ī
ye ḳhazāna āḳhir apne haath se jaatā rahā

shām-e-avadh ne zulf meñ gūñdhe nahīñ haiñ phuul
tere baġhair sub.h-e-banaras udaas hai

jab duniyā par bas na chale to andar andar khuḌhnā kyā
kuchh bele ke phuul khilā.eñ āñgan kī phulvārī meñ

yahāñ se jab ga.ī thī tab asar par ḳhaar khaa.e thī
vahāñ se phuul barsātī huī palTī duā merī

sub.h tak dast-e-sabā ne kyā kyā
phuul kāñToñ meñ piro.e hoñge