Tags-Phool

aur paidā kar apne ḳhuun se phuul
rāt-din mātam-e-bahār na kar

shauq se phuul chun chaman meñ magar
ḳhār-o-ḳhas ko zalīl-o-ḳhvār na kar

rāh-e-vafā meñ phuul nahīñ haiñ ḳhaar bahut haiñ 'hastī' jī
pyaar kā dushman saarā zamāna pahle bhī thā aaj bhī hai

kyā kahiye kyuuñ aaj saroñ se zaḳhmoñ kā bojh uTh na sakā
patthar the lekin halke the phuul hai lekin bhārī hai

phuul hone kī sazā ḳhuub milī hai mujh ko
shāḳh se TuuT ke gul-dān meñ rakkhā huuñ maiñ

to kyā ye phuul ḳhud hī khil gayā thā
jo kahtā hai koī maalī nahīñ hai

zaḳhm se vāsta na thā pahle
phuul aisā khilā na thā pahle

phuul khile haiñ likhā huā hai toḌo mat
aur machal kar jī kahtā hai chhoḌo mat

patthar kī tarah phuul mire sar pe lagā thā
is vaqt sabhī ro.e the maiñ sirf hañsā thā

bahār-āgīñ hayāt-afroz phuul ban kar
lahū kā chhīñTā qabā-e-īsār par khilā hai

āzādi-e-insāñ ke vahīñ phuul khileñge
jis jā pe zahīr aaj tirā ḳhuun girā hai

bahār aa.ī bhī 'ḳhāvar' to kyā bahār aa.ī
chaman ke phuul to mahrūm-e-rañg-o-bū hī rahe

tire dil kī bhī na kalī khile tire haath TūTeñ ḳhudā kare
jise toḌe letā hai bāġhbāñ yahī phuul jān-e-bahār hai

kyuuñ dikhāte ho mujh ko talvāreñ
lājvantī kā phuul huuñ maiñ to

koī ḳhushbū na phuul huuñ maiñ to
sar se pā tak babūl huuñ maiñ to

baaġh meñ aisī havāoñ kā chalan aam huā
phuul sā haath bhī faulād banā phirtā hai

husn par hai ḳhūb-rūyāñ meñ vafā kī ḳhū nahīñ
phuul haiñ ye sab pa in phūloñ meñ hargiz bū nahīñ

kabhī kabhī koī bhejtā hai nazar meñ chāhat kī phuul kaliyāñ
mohabbatoñ kā nasīb Thahrā kabhī kabhī kā udaas rahnā

phuul toḌe haiñ aap ne lekin
ḳhaar uljhe haiñ bārhā ham se

pardes meñ rah kar koī kyā paañv jamā.e
gamle meñ lage phuul kī qismat hī alag hai