Tags-Phool

maiñ chait kā phuul huuñ
aur

na jaane bād-e-sabā kyā payām laa.ī thī
ki phuul hañs to diyā phir bhī muñh utar sā gayā

har aarzū meñ rañg hai bāġh-o-bahār kā
kāñTā bhī ek phuul hai us ḳhār-zār kā

vo bhī insān hai kis kis ko navāzegā 'fuzail'
phuul sī jaan ke pīchhe haiñ bahattar āshiq

jo sochtā huuñ use dil meñ phuul khilte haiñ
vo ḳhush-nigāh nahīñ thā to kaun dhyān meñ thā

kuchh phuul haiñ shāḳhoñ se abhī jhuul rahe haiñ
ruḳhsār pe rakkhe hue ruḳhsār mirī jaañ

un kā vo ma.asūm tabassum
jaise koī phuul bikhere

phuul khilte raheñge duniyā meñ
roz niklegī baat phūloñ kī

phuul ke haar phuul ke gajre
shaam phūloñ kī raat phūloñ kī

murda ragoñ meñ ḳhuun kī garmī kahāñ se aa.ī
thī shāḳh sabz phuul meñ surḳhī kahāñ se aa.ī

pyaar kī shāḳh to jaldī hī samar le aa.ī
dard ke phuul baḌī der meñ jā kar nikle

kalī tabassum-e-be-sāḳhta se phuul banī
ye lamha kaafī hai ab puurī zindagī ke liye

kitne hī phuul chehre dhuāñ ban ke rah ga.e
is sānehe se kaash koī bā-ḳhabar bhī ho

dhartī aur ambar par donoñ kyā ra.anā.ī baañT rahe the
phuul khilā thā tanhā tanhā chāñd ugā thā tanhā tanhā

is dil kī harī shāḳh pe jo phuul khile the
lamhoñ kī hathelī pe vo murjhā ke gire haiñ

gar kabhī TuuTī badaltī huī rut kī zanjīr
ek ik phuul yahāñ ḳhud ko tarastā hogā

sad-ātisha agar ho tirā rañg-rūp hai
jo rañg phuul meñ hai nasha hai sharāb meñ

na hai 'shā.ir' ab ġham-e-nau-ba-nau na vo dāġh-e-dil na vo tāzgī
jinheñ e'timād-e-bahār thā vahī phuul rañg badal ga.e

chaleñ vo āñdhiyāñ rishta zamīñ se TuuT gayā
ghanā daraḳht abhī phūl-phal bhī saktā thā

jab barastī hai tirī yaad kī rañgīn phuvār
phuul khilte haiñ dar-e-mai-kada vā hotā hai