Tags-Phool

TūTne aur bikharne kā koī mausam ho
phuul kī ek duā mauj-e-havā āhista

sabhī hāthoñ meñ apne phuul de kar
ḳhushī ke saath gamlā jī rahā hai

dhāvā bolegā bahut jald ḳhizāñ kā lashkar
shāḳh ko neza karūñ phuul ko talvār karūñ

raah meñ phuul khileñge to chubhan bhī hogī
ghar meñ baiThūñ to mirī aañkh kā kāñTā nikle

zindagī ke rishte bhī duur duur tak nikle
ruuh jaag uThtī hai phuul ke mahakne se

ye nayā phuul hai aur ye ḳhushbū na.ī
ye na.ī shaam hai aur nayā dard hai

marī taraf se bhī le ke jaanā
ye phuul un kī janāb denā

na kah sako to, to aisā karnā
ki phuul rakh kar kitāb denā

har saañs ko mahkā.iye ab der na kiije
ik phuul sā khil jā.iye ab der na kiije

Kaif-e-sehba-e-Tarab meñ ġharq-e-maiḳhāna hai aaj
har shajar sāqī-e-mai har phuul paimāna hai aaj

bāġhoñ ko vīrān banāne vaale log
sahrāoñ meñ phuul khāne vaalā maiñ

tamām shahr kī ḳhātir chaman se aate haiñ
hamāre phuul kisī ke badan se aate haiñ

mujhe vaa.iz apnī lagī hai dhun koī phuul ātish-e-tar kā chun
mire dard-e-dil kī hadīs sun kabhī chheḌ kar lab-e-jām se

dekh sūraj aa gayā sar par mujhe āvāz de
phuul sā ab tak tirī koñpal se maiñ niklā nahīñ

paḌe haiñ raah meñ kuchh phuul ḳhāk-ālūda
koī janāza uThā yā koī barāt ga.ī

aaj tak dil kī aarzū hai vahī
phuul murjhā gayā hai bū hai vahī

bārish-e-rañg-o-nūr se jaan chaman meñ paḌ ga.ī
phuul tamām khil uThe peḌ sabhī nikhar ga.e

ye bhī to kisī maañ kā dulārā koī hogā
is qabr pe bhī phuul chaḌhā de koī aa kar

ham ne 'mushtāq' yuuñ hī kholā yādoñ kī kitāb-e-muqaddas ko
kuchh kāġhaz nikle ḳhasta se kuchh phuul mile murjhā.e hue

aariz haiñ ki murjhā.e hue phuul kañval ke
āñkheñ haiñ ki jhulse hue ḳhvāboñ ke mahal ke