Tags-Phool

ab laa.e ho muzhda-e-bahārāñ
jab phuul kā rañg uḌ chukā hai

gāloñ par ġhāze ke pīchhe dard ke sūkhe phuul
lachkīlī bāñhoñ kī shāḳhoñ par nafrat kī dhuul

sanobar sā hai qad nargis sī āñkheñ phuul sā chehra
vo mere sāmne phirte haiñ aksar gulistāñ ho kar

bādal hai aur phuul khile haiñ sabhī taraf
kahtā hai dil ki aaj nikal jā kisī taraf

jab bhī aap mujhe yaad aa.e
phuul nigāhoñ meñ lahrā.e

koī anjām-e-mohabbat kī jo bāteñ kartā
phuul ke chehre pe shabnam vo dikhā detā thā

is phuul se chehre kī talab rāhat-e-jāñ hai
pheñke koī patthar bhī to ehsāñ mire sar aa.e

itnā bhī ma.alūm nahīñ hai kyā tum ko
phuul ye kis kī koshish ne mahkā.e haiñ

phuul hoñToñ ko ġhazal-ḳhvāñ dekhnā
mujh ko bahkāne ke sāmāñ dekhnā

aise khulte haiñ falak par ye sitāre shab ke
jis tarah phuul hoñ saare ye bahār-e-shab ke

tumhāre binā sab adhūre haiñ jānāñ
sabā phuul ḳhush-bū chaman raushnī rañg

gulshan meñ baġhair vasl-e-gal-rū
har phuul kuuñ ḳhaar būjhtā huuñ

chaman meñ kis ke aane kī ḳhabar hai
kare hai phuul chun chun bāġhbāñ jam.a

jis jagah par khilā hai naaf kā phuul
vo to ik bāġh-e-lā-makānī hai

abhī phuul phuul hai jāñ-ba-lab ye tap-e-balā tapish ġhazab
abhī khul ke abr-e-karam baras abhī aur khul ke baras baras

phuul kī misl mahak uTThegā qarya qarya
apne is des kī jab ham ne kamāñ-dārī kī

inhī ke zahr se hai raushnī bhī āñkhoñ meñ
ye phuul saañp haiñ chūmūñ ki ehtiyāt karūñ

taz.īn-e-gulsitāñ se nahīñ vāsta jinheñ
un ke gharoñ meñ phuul ke ambār dekhnā

vo mausam-e-ḳhizāñ kī thakan hī meñ jal ga.e
bāhar khile jo phuul tire sā.ebān se

phuul kuchh is tarah toḌ de bāġhbāñ shāḳh hilne na paa.e na āvāz ho
varna gulshan pe raunaq na phir aa.egī dil agar har kisī kā dahal jā.egā