Tags-Pyas

mauja-e-qulzum-e-abad aur tū
chand būñdoñ kī tishnagī aur maiñ

tishnagī ne jo nichoḌā dāman
karvaTeñ le ke samundar jaage

mauj-e-sarāb kā bhī pata duur tak nahīñ
shiddat se Das rahā hai mujhe tishnagī kā saañp

sairāb ho ke shaad na hoñ rah-ravān-e-shauq
raste meñ tishnagī kā samundar bhī aa.egā

maiñ zabt kar nahīñ saktā sar-e-furāt-e-visāl
kī tishnagī mire saare usuul chaaT ga.ī

le ke ḳhālī aañkh kā mashkīza mat sahrā meñ jā
is safar meñ tishnagī kā marhala bhī aa.egā

vo tishna-lab huuñ ki merī anā kā hai me.aar
samundaroñ se bhī paimān-e-tishnagī rakhnā

na jaane andhe kuoñ kī vo tishnagī thī kyā
har ek aañkh meñ jo be-libās rahne lagī

ye kyā insāf hai aadil baḌhāyā tishnagī pahle
diyā terī adālat ne shu.ūr-e-shahad-o-sam pīchhe

vo sāmne haiñ magar tishnagī nahīñ jaatī
ye kyā sitam hai ki dariyā sarāb jaisā hai

maiñ terī āñkhoñ ke āsare par hī mai-kade se uThā thā lekin
ye kyā ḳhabar thī ki terī āñkhoñ se aur bhī tishnagī milegī

hamārī tishnagī bujhtī nahīñ shabnam ke qatroñ se
jise sāqī-garī kī sharm ho ātish-ba-jām aa.e

chalā thā maiñ to samundar kī tishnagī le kar
milā ye kaisā sarāboñ kā silsila mujh ko

'saif' pī kar bhī tishnagī na ga.ī
ab ke barsāt aur hī kuchh thī

ye dil kī tishnagī hai yā nazar kī pyaas hai saaqī
har ik botal jo ḳhālī hai bharī ma.alūm hotī hai

donoñ meñ aaj tak vo pahlī sī tishnagī hai
phir vasl meñ nahīñ kyuuñ vo lutf ibtidā sā

ham sarāboñ meñ hue dāḳhil to ye ham par khulā
tishnagī sab meñ thī lekin tishnagī meñ kaun thā

samundar bhī hai dariyā bhī hai chashme bhī haiñ nahreñ bhī
aur insāñ hai ki ab tak tishnagī ma.alūm hotī hai

dariyā pe ek tanz samajhiye ki tishnagī
sāhil kī sard ret meñ dafnā ga.ī mujhe

tishnagī ne jo nichoḌā dāman
karvaTeñ le ke samundar jaage