Tags-Pyas

talḳhī-e-jām Dolne jaisī
tishnagī hoñT kholne jaisī

vo tishnagī thī ki shabnam ko hoñT tarse haiñ
vo aab huuñ ki muqayyad guhar guhar meñ rahūñ

merī sairābī bhī merī tishnagī se kam na thī
maiñ misāl-e-abr aayā sūrat-e-sahrā gayā

sukūñ hai maut yahāñ zauq-e-justujū ke liye
ye tishnagī vo nahīñ jo bujhā.ī jaatī hai

tum se ik ghūñT kī pyaas kyā bujh sakī jab ki vābastagī to samundar se thī
ham ne dariyāoñ tak kā safar tai kiyā apne be-ma.anī sī tishnagī ke liye

zindagī kī talḳhiyāñ detī haiñ ḳhvāboñ ko janam
tishnagī sahrā meñ dariyā kā samāñ dikhlā.e hai

mauj-e-dariyā ke laboñ par tishnagī hai karbalā
reg-e-sāhil par taḌaptī zindagī hai karbalā

kisī ne bhī na dekhā iztirāb-e-tishnagī merā
agar dekhā to bas shīshe ko paimāna banā denā

hujūm-e-tishnagī kī raushnī meñ
zamīr-e-mai-kada tharrā rahā hai

kyā jāniye vo shoḳh samundar hai yā sarāb
jo bhī ho tishnagī kā sahārā zarūr hai

tishnagī ke bhī maqāmāt haiñ kyā kyā yaanī
kabhī dariyā nahīñ kaafī kabhī qatra hai bahut

ye sochā hai lab-e-larzāñ pe rakh kar tishnagī saarī
tujhe bhī ai samundar isti.āra kar ke dekhūñgā

bujhā detā havas kī tishnagī vo jaam hai saaqī
jahāñ maiñ jis se miltā huuñ vahī nākām hai saaqī

yahāñ dasht-e-talab meñ ek maiñ huuñ aur sivā mere
sarāboñ ko nichoḌe jā rahī ik tishnagī hai ye

maiñ tishnagī ke shahr pe TukḌā huuñ abr kā
koī gila nahīñ ki samundar nahīñ huuñ maiñ

vaqt ne zarf-e-nazar ko lab-e-mai-ḳhvār kiyā
tishnagī shīshe ko paimāna banā kar laa.ī

is shahr-e-tishnagī meñ kahīñ aab ke sivā
kuchh bhī nazar na aayā mujhe ḳhvāb ke sivā

tishnagī se zarf ko ai sāqi-e-mahfil na tol
uTh ga.e to umr-bhar ko phir ye dīvāne ga.e

ham ne sarāb dekhe hazāroñ sarāb meñ
ik guuna tishnagī thī jo tan māñgtī rahī

maiñ dariyā ho bhī jā.ūñgā to kyā hogā
mujhe ma.alūm hai jab tishnagī us kī