Tags-Qismat

mat kaho qismat hai apnī be-dilī nāguftanī
phir sahar hogī daraḳhshāñ phir bhale ā.eñge log

qismat jaage to ham so.eñ qismat so.e to ham jāgeñ
donoñ hī ko niiñd aa.e jis meñ kab aisī rāteñ hotī haiñ

marnā mirī qismat hai marne se nahīñ Dartā
paimāna-e-hastī ko labrez to kar jā.ūñ

vaa.e qismat chhā ga.ī ḳhāmoshī dil meñ kis qadar
bujh gayā huuñ maiñ charāġh-e-gor-e-vīrāñ kī tarah

qismat hī meñ raushnī nahīñ thī
bādal to kabhī kā chhaT rahā thā

dil aur jigar jaañ aur ye sar ham shauq se laa.e paas tire
qismat kā gila ab kis se kareñ manzūr-e-nazar kuchh bhī na huā

tire hāthoñ meñ hai tirī qismat
tirī izzat tire hī kaam se hai

pas-e-fanā mirī qismat khulī vo rote haiñ
ḳhud apne ghar meñ banā kar mazār kī sūrat

mar chuke jīte-jī ḳhushā qismat
is se achchhī to zindagī hī nahīñ

apnī qismat meñ bhī kuchh hai ki nahīñ
ab zarā haath to phailā dekheñ

pursān-e-pareshānī-e-insāñ nahīñ koī
qismat kī girah nāḳhun-e-tadbīr se kholo

aaj barsoñ meñ to qismat se mulāqāt huī
aap muñh pher ke baiThe haiñ ye kyā baat huī

ban ban kar aaj vasl kī sūrat bigaḌ ga.ī
vo kyā bigaḌ ga.e mirī qismat bigaḌ ga.ī

rahne do hameñ kunj-e-qafas meñ ki hamāre
qismat meñ yahī gosha-e-tanhā.ī hai kam-baḳht

lamha lamha manzileñ hotī chalī jaa.eñ ba.iid
aur qismat rāste kī dhuul ho jaa.e to phir

kaise ehsās ho mahrūmī-e-qismat kā use
lazzat-e-dard se jo dil se shanāsā na huā

pahuñch kar un ke sañg-e-āstāñ par bhī nahīñ miTtī
vo mahrūmi-e-sajda jo likhī hotī hai qismat meñ

agar ronā hī ab merā muqaddar hai mohabbat meñ
to dāman bhī tumhārā ho mire ashkoñ kī qismat meñ

jis taraf bhī dekhtī huuñ ek hī tasvīr hai
ai ḳhudā kyā vo mirī qismat meñ bhī tahrīr hai

ḳhuub samjhāyā hai ye kātib-e-qismat ne hameñ
jo mayassar ho jahāñ meñ use qismat samjho