Tags-Qismat

mirī qismat mujhe manzil pe ab laa.ī to kyā hāsil
jo din the zindagī ke vo to raste meñ guzār aa.ī

falak ne kūcha-e-maqsad kī band kī rāheñ
bhalā batāo ki qismat mirī kidhar se phire

tujh ko qismat se to maiñ jiit chukā huuñ kab kā
shāyad ab ke mujhe laḌnā paḌe taqdīr ke saath

nāma-bar! tere chhupāne se mujhe
apnī qismat kā navishta khul gayā

ġhair kī qismat kī khānī hai qasam
band thā darvāza un kā khul gayā

ye na thī hamārī qismat ki visāl-e-yār hotā
agar aur jiite rahte yahī intizār hotā

kahīñ tum apnī qismat kā likhā tabdīl kar lete
to shāyad ham bhī apnā rāsta tabdīl kar lete

purānī kashtiyāñ haiñ mere mallāhoñ kī qismat meñ
maiñ un ke bādbāñ siitā huuñ aur lañgar banātā huuñ

tujh ko masjid hai mujh ko mai-ḳhāna
vā.izā apnī apnī qismat hai

ek hathelī par us ne mahkā.e hinā kī sundar phuul
ek hathelī kī qismat meñ likkhā dasht lakīroñ kā

ronā qismat meñ hai marūñ kyūñkar
hai ye āb-e-hayāt āñkhoñ meñ

mujh ko rone se mile fursat to phir DhūñDūñ use
hañs rahā hai kaun qismat kā dhanī tere baġhair

jubba-sā.ī karte karte ghis ga.ī lauh-e-jabīñ
merī qismat kī jo thī tahrīr aadhī rah ga.ī

uqda-e-dil hamārā yā qismat
na khulā tujh se ai sabā na sahī

merī qismat meñ hai ronā mujhe ro lene do
tum na is tarah bahāo mire pyāre aañsū

naam mansūr kā qismat ne uchhālā varna
hai yahāñ kaun sā haq-go ki sar-e-dār nahīñ

nikal aa.e dil-e-vīrāñ kī jānib
koī qismat kā maarā bhī nahīñ hai

us mauj ko baḌhte baḌhte phir sailāb-e-mohabbat banñā hai
us sail-e-ravāñ ke dhāre ko is mulk kī qismat banñā hai

nāshād vatan afsos tirī qismat kā sitāra TuuT gayā
uñglī ko pakaḌ kar chalte the jis kī vahī rahbar chhūT gayā

apnī qismat kā bulandī pe sitāra dekhūñ
zulmat-e-shab meñ yahī ek nazāra dekhūñ