Tags-Raaz

yaas meñ bedārī-e-ehsās kā aalam na pūchh
Thes yuuñ lagtī hai dil pe ta.ana-e-hamrāz se

ġham-e-vafā kahne sunñe vaale kahāñ ga.e ahl-e-dil na jaane
tumhārī ulfat ke rāz-dāroñ kī yaad sī rah ga.ī hai baaqī

jise ye kah ke vo hañs deñ ki qissa achchhā hai
vo raaz khul ke bhī hotā hai āshkār kahāñ

kaun hai jis ko ḳhū-e-e-maulā kā
rāz-e-sar-basta ho sakā ma.alūm

vaz.a-dārī se chup rahūñ varna
hai mujhe raaz aap kā ma.alūm

paas aa.e to asl husn khule
duur kī chiiz rāz-e-nā-ma.alūm

tum nahīñ mere ab ye raaz khulā
maiñ tumhārā huuñ ab huā ma.alūm

ashk ne kiiñ ishq kī ġhammāziyāñ
rāz-e-darūñ aañkh ne ifshā kiyā

āshuftagī-e-vahshat kī qasam hairat kī qasam hasrat kī qasam
ab aap kaheñ kuchh yā na kaheñ ham rāz-e-tabassum pā bhī ga.e

mudām gosh-ba-dil rah ye saaz hai aisā
jo ho shikasta to paidā navā-e-rāz kare

Daro tum un se ki vo rāz-dār-e-tūfāñ haiñ
jo ek umr se chup haiñ samundaroñ kī tarah

yuuñ khul gayā hai rāz-e-shikast-e-talab kabhī
āñkhoñ se bah gayā hai lahū be-sabab kabhī

andoh-e-besh-o-kam na ġham-e-ḳhair-o-shar meñ hai
rāz-e-hayāt vus.at-e-fikr-o-nazar meñ hai

ho salāmat mirā ishq josh-e-junūñ husn ke raaz ḳhud munkashif ho ga.e
itnī mushkil nahīñ rahguzār-e-fanā be-ḳhudī chāhiye āgahī ke liye

aatī hai pichhle pahar bas dil dhaḌakne kī sadā
rāz-dārān-e-vafā āh-o-fuġhāñ kyuuñ kar kareñ

terā har raaz chhupā.e hue baiThā hai koī
ḳhud ko dīvāna banā.e hue baiThā hai koī

ye tifl-e-ashk mirā 'azfarī' hai nāshudanī
javānā-marg mirī us ne faash raaz kiyā

'mā.il' tire ash.ār sunūñ bazm meñ kyūñ-kar
ye raaz kiye dete haiñ ifshā mere dil kā

kaun is raaz se hai māvarā kyā jānte ho
kaun maujūd sadaf meñ thā guhar se pahle

suno āvāz tum mere lahū kī
yahī to raaz husn-e-shā.irī hai