Tags-Raaz

zabt kā had se guzarnā dekhiye
raaz āñkhoñ se bayāñ hone ko hai

ālam-e-hastī ko thā madd-e-nazar katmān-e-rāz
ek shai ko dūsrī shai kā sabab karnā paḌā

khol dīvān-e-hāfiz-e-shīrāz
faal tū ab rafīq-e-rāz nikāl

kab se huuñ ġharq kisī jhiil kī gahrā.ī meñ
rāz-e-ayyām magar aql ne paayā bhī nahīñ

ye vo daur hai jis kā darmāñ nahīñ
ye vo raaz hai jis ke mahram bahut

rāz-e-hastī bashar ko ho kyā mālūm
sargardāñ aql hai natīja mālūm

yahī khoj lene ke vāste phirūñ huuñ maiñ saath nasīm ke
ki chaman meñ koī hai gul kahīñ tirī bū se mahram-e-rāz hai

ḳhvāb kā raaz faqat raat ke siine meñ hai
din meñ ta.abīr kī titlī ko pakaḌnā chhoḌo

baat iz.hār-e-hāl meñ kyā thī
raaz iḳhfā-e-hāl meñ kyā hai

fursat mile to khol chhupe ḳhvāhishoñ ke raaz
gunjān jañgaloñ se guzar kar bhī dekh le

sukūt-e-anjum-o-mah ne chhupā liyā hai jise
jhukī nazar na kisī ko vo raaz batlā de

raaz se ahl-e-havas haiñ munharif
ye bhī goyā sajda-e-ādam huā

dilbaroñ ke raaz kā mahram huā
dard se dil misl-e-jām-e-jam huā

mujh pe ab faash huā rāz-e-hayāt
ziist ab se tirī chāhat hai mujhe

tere sivā haiñ is duniyā meñ apne bhī ġham-ḳhvār bahut
sab ko dil kā raaz sunā.eñ aisī koī baat nahīñ

ye raaz samajh meñ kab aatā āñkhoñ kī namī se samjhā huuñ
is gard-o-ġhubār kī duniyā meñ har chiiz se sachchā paanī hai

zindagī meñ us ko kaif-e-zindagī hāsil nahīñ
jis kā dil rāz-o-niyāz-e-ishq ke qābil nahīñ

khul gayā jo rāz-e-ulfat aaj ahl-e-bazm par
ye tumhārī mast nazroñ kī ḳhatā thī maiñ na thā

bharam us kā hī ai mansūr tū ne rakh liyā hotā
kisī kā raaz ai nādāñ sar-e-mahfil nahīñ kahte

maiñ to gum huuñ terī talāsh meñ mujhe kaun jaane tire sivā
koī kaise mahram-e-rāz ho tirī āshiqī ke maqām se