Tags-Raaz

ifshā-e-rāz-e-ishq kā mujh se ho kyā gila
kyā tum chhupā sake ho use is hayā ke saath

us harīm-e-nāz us ḳhalvat-sarā-e-rāz meñ
bārhā jazbāt ne bāñdhā hai ehrām-e-ġhazal

rāz-e-dil kī tarah zamāne meñ
the chhupe aaj barmalā haiñ ham

rāz-e-dil kitnā chhupāyā khul gayā
haal is daulat-sarā kā khul gayā

adā-e-husn jise kahiye be-ruḳhī 'tanvīr'
usī kī tarz-e-taġhāful kā raaz faash bhī thā

ḳhudā-hāfiz kisī ke rāz-e-ulfat kā ḳhudā-hāfiz
ḳhayāl aate hī ab to dil dhaḌaktā hai fuġhāñ ho kar

yuuñ sajā chāñd ki jhalkā tire andāz kā rañg
yuuñ fazā mahkī ki badlā mire hamrāz kā rañg

terā nigāh-e-shauq koī rāz-dāñ na thā
āñkhoñ ko varna jalva-e-jānāñ kahāñ na thā

ye hayāt ālam-e-ḳhvāb hai na gunāh hai na savāb hai
vahī kufr-o-dīñ meñ ḳharāb hai jise ilm-e-rāz-e-jahāñ nahīñ

ham kis ke hue dil kis ne liyā vo kaun hai kyā hai kyā kahiye
ye raaz abhī tak khul na sakā ham kis kī tamannā karte haiñ

rāz-e-māshūq na rusvā ho jaa.e
varna mar jaane meñ kuchh bhed nahīñ

aañkh meñ aañsū lab pe ḳhamoshī
dil kī baat ab raaz kahāñ hai

rāz-e-ulfat sambhāl kar rakhiye
har koī bā-ḳhabar na ho jaa.e

mire vajūd se hairat meñ hai mufassir-e-aql
vo raaz huuñ jo na mastūr hai na ifshā hai

chehre pe mire raaz TaTolā na karo tum
hamrāz bane aañkh nashīlī to batā.ūñ

ghabrā ke is daur ke vahshī insāñ se
dīvāroñ ko raaz batāne lagte haiñ

tujhe husn māya-e-nāz hai dil-e-ḳhasta mahv-e-niyāz hai
kahūñ kyā ye qissa-e-rāz hai mirā ishq ḳhāna-ḳharāb hai

vo husn-o-ishq ke rāz-o-niyāz hī na rahe
na vo ḳhatā.eñ rahīñ ab na vo sazā.eñ rahīñ

hameñ yaad ho to sunā.eñ bhī zarā dhyān ho to batā.eñ bhī
ki vo dil jo mahram-e-rāz thā kahāñ rasm-o-rāh meñ jal-bujhā

rāz-e-dil us but-e-bad-ḳhū se kahūñ yā na kahūñ
baat nāzuk hai vo nādān baḌī mushkil hai