Collections

Lab Shayari

Motivational Ghazals

Best Khamoshi Shayari

More Collections

Tags-Raaz

tā-kujā zabt-e-mohabbat tā-kujā dard-e-firāq
rahm kar mujh par ki terā raaz kahlātā huuñ maiñ

shaer-e-fitrat hun jab bhi fikr farmata hun main

navā-e-rāz sāz-e-ishq be-ḳhud kyuuñ na kar Daale
ki har parde se aatī hai sadā dīvāna ban jaanā

na ai dil surat-e-shaiKH-e-haram diwana ban jaana

chashm-ba-chashm guftugū shahr-ba-shahr kū-ba-kū
sīna-ba-sīna rāz-e-dil duur talak nikal gayā

shukr hai aap aa gae aaj ka din to Tal gaya

zarā qarīb se dekhūñ to koī raaz khule
yahāñ to har koī lagtā hai aadmī jaisā

zara qarib se dekhun to koi raaz khule

rāz-o-niyāz meñ bhī akaḌ-fūñ nahīñ ga.ī
vo ḳhat bhī likh rahā hai to chālān kī tarah

qabiz raha hai dil pe jo sultan ki tarah

phir kyā thā jo parde meñ thā rusvā to nahīñ thā
thā rāz-e-mohabbat magar ifshā to nahīñ thā

phir kya tha jo parde mein tha ruswa to nahin tha

na kah kisī se ki 'ġhālib' nahīñ zamāne meñ
harīf-e-rāz-e-mohabbat magar dar-o-dīvār

bala se hain jo ye pesh-e-nazar dar-o-diwar

vo raaz jin kā laboñ ne na ehtirām kiyā
barahna ho ke dil-e-rāz-dāñ meñ rahte haiñ

hudud-e-jalwa-e-kaun-o-makan mein rahte hain

kyuuñ aag bhaḌak uTThī shā.er ke ḳhayāloñ kī
ye raaz kī bāteñ haiñ nādān tū kyā jaane

is daur ne baKHshe hain duniya ko ajab tohfe

sarāpā raaz huuñ maiñ kyā batāoñ kaun huuñ kyā huuñ
samajhtā huuñ magar duniyā ko samjhānā nahīñ aatā

mujhe dil ki KHata par yas sharmana nahin aata

be-huzūrī hai terī maut kā raaz
zinda ho tū to be-huzūr nahīñ

aql go aastan se dur nahin

āñkhoñ meñ mom Daal ke baiTheñge kab talak
ā.īnoñ se chhupā.eñge ye raaz kis tarah

parde mein is badan ke chhupen raaz kis tarah

parde meñ is badan ke chhupeñ raaz kis tarah
ḳhushbū na hogī phuul kī ġhammāz kis tarah

parde mein is badan ke chhupen raaz kis tarah

āshnā rāz-e-haqīqat se tabhī hoñge ham
har haqīqat ko jo bātil kī taraf le chaliye

dil ke virane ko mahfil ki taraf le chaliye

baqā-e-jāvedāñ ke raaz se vāqif nahīñ ai dil
jinheñ rāh-e-vafā meñ ḳhaak ho jaanā nahīñ aatā

ba-qadr-e-hasrat-e-dil zulm bhi Dhana nahin aata

maiñ fikr-e-rāz-e-hastī kā parastār
mirī tasbīh ke daane zamāne

mahakte miThe mastane zamane

rulātī hai mujhe kyuuñ chāñdnī raat
yahī ik raaz merī zindagī hai

jahan ahd-e-tamanna KHatm ho jae

sāmne un ke magar phir bhī nikal aate haiñ ashk
kitne hī pardoñ meñ pinhāñ rāz-e-soz-e-dil sahī

ishq ki barbaadiyon ka ek yahi hasil sahi

ek bolā imtizāj un kā qayāmat saaz hai
dūsrā kahne lagā ḳhāmosh koī raaz hai

aurat

na batlā.ī kisī ne bhī haqīqat rāz-e-hastī kī
butoñ se jā ke sar phoḌā bahut dair-e-barahman meñ

kuchh aisa pas-e-ghairat uTh gaya is ahd-e-pur-fan mein