Tags-Raaz

tum par asrār-e-fanā rāz-e-baqā khul jaate
tum ne ek baar to yazdāñ ko pukārā hotā

koī hai apne sivā bhī masāfat-e-shab meñ
sahar jo ho to khule raaz ḳhush-qayāsī kā

pakḌo mirī zabān to sūrat se hoshiyār
kholegī raaz ye sar-e-mahshar kahe baġhair

jo giit chunte haiñ ḳhāmoshiyoñ ke sahrā se
vo lab-kushāoñ ko rāz-āshnā nahīñ kahte

ajnabī shahr be-namak chehre
kise ham-rāz-e-dil kiyā jaa.e

yahī to haiñ do sutūn-e-mahkam inhīñ pe qaa.im hai nazm-e-ālam
yahī to hai rāz-e-ḳhuld-o-ādam nigāh merī shabāb terā

rāz-e-hastī se āshnā na huā
na huā aadmī ḳhudā na huā

faash rāz-e-dil nahīñ kartā magar ye Dar to hai
be-ḳhudī meñ aah lab se āshnā ho jā.egī

meñ rāz-e-zindagī kyūñkar batā.ūñ
kahāñ ye nasl kahnā māntī hai

uryānī-e-ehsās hai kuchh husn na kuchh ishq
ye raaz kī bāteñ haiñ na vo raaz kī bāteñ

khul gayā un kī aarzū meñ ye raaz
ziist apnī nahīñ parā.ī hai

khulā hai mujh pe ab duniyā kā matlab
magar ye raaz pahle bhī khulā thā

maujoñ ke mujhe raaz bhī samjhātā nahīñ vo
sāhil pe safīna bhī lagāne nahīñ detā

bachpan ke makāñ kā naḳhl-e-hamrāz
ye haar siñghār yaad rakhnā

dil ko dīvāna samajh kar na bahut chheḌo tum
kahīñ kuchh kah na uThe ye haram-e-rāz meñ hai

aalam hai agar raaz to ye shīsha-e-jam hai
aalam hai agar saaz to mizrāb hai siina

rāz-e-ulfat maiñ chhupātā to huuñ lekin 'arshad'
Dar hai ehsās kī talḳhī na zabāñ tak pahuñche

husn-e-ma.asūm agar rāz-e-nihāñ tak pahuñche
ġham kā me.aar ḳhudā jaane kahāñ tak pahuñche

raaz ik dil meñ liye phirte haiñ sahrā sahrā
koī hamrāz to ho shahr meñ aisā na huā

koī samjhegā kyā rāz-e-gulshan
jab tak uljhe na kāñToñ se dāman