Tags-Raaz

samjhegā kaun ruuh kī gahrā.iyoñ ke raaz
pūchhe koī to bātoñ hī bātoñ meñ Taal do

aaj na jaane raaz ye kyā hai
hijr kī raat aur itnī raushan

mujh se jo sar-e-mahfil tum aañkh churāte ho
kyā rāz-e-mohabbat ko afsāna banānā hai

gilā bhī thā kisī kā raaz koī
ki aa kar rah gayā merī zabāñ tak

laakh dil-mast ho mastī kā ayaañ raaz na ho
ye vo shīsha hai ki TuuTe bhī to āvāz na ho

kyā qayāmat hai vo dil toḌ rahe haiñ merā
is gumāñ par ki chhupā is meñ koī raaz na ho

nigāhoñ kā tasādum kis ne dekhā
magar ye raaz tasht az baam bhī hai

is ma.īshat meñ kāmyābī kā raaz
kaun kitnā baḌā juārī hai

suno sar-phiro mire hāsīdo mirī zindagī kā hai raaz kyā
mirā sar kahīñ bhī jhuke to kyuuñ mirā dil kisī kā ġhulām hai

kahīñ rāz-e-ulfat bhī hotā hai zāhir
kaheñ kyoñ jo kuchh tum ko ham jānte haiñ

rāz-e-mai-noshi-e-'mullā' huā ifshā varna
samjhā jaatā thā valī laġhzish-e-pā se pahle

kahte kahte jo ho ga.e ḳhāmosh
raaz kī koī baat hai shāyad

is tarah ghūrtī rahtī hai shab-o-roz mujhe
jaise duniyā mire sab rāz-e-nihāñ jāntī hai

bhulā bhulā ke jatāyā hai un ko rāz-e-nihāñ
chhupā chhupā ke mohabbat ko āshkār kiyā

vajūd us kā thā ā.īna-e-tilismātī
vo aks jis ne kiyā raaz faash kaisā hai

hosh meñ rah ke bhī lāzim hai ki mad.hosh raheñ
raaz āñkhoñ kā tirī paa.e hue haiñ ham log

apnā dil hī jab parāyā ho gayā
kaun ho ab rāz-dār-e-zindagī

raat mere liye gintī hai 'tarāz' apne nujūm
mere hone kā magar raaz nahīñ detī hai

siine meñ soz ban kar kab tak chhupā rahegā
unvān-e-rāzdārī tafsīl-e-rāz ho jā

hañgāma-e-ḳhudī se tū be-niyāz ho jā
gum ho ke be-ḳhudī meñ āgāh-e-rāz ho jā