Tags-Raaz

hañgāma-e-ḳhudī se tū be-niyāz ho jā
gum ho ke be-ḳhudī meñ āgāh-e-rāz ho jā

sabā ne faash kiyā rāz-e-bū-e-gesū-e-yār
ye jurm ahl-e-tamannā ke sar nahīñ aayā

ḳhud ko rusvā kiyā har raaz chhupā kar us kā
apne sar le liye ilzām parā.e kyā kyā

vo rāz-e-vasl thā jo niiñd meñ khulā mujh par
ye ḳhvāb-e-hijr hai jo jāgte meñ aayā hai

hamāre saath hī bikhrā hamārī zaat kā karb
ye raaz lafzoñ ke ambār se ayaañ to huā

ye kam nahīñ hai ki maiñ huuñ ḳhalāoñ kā hamrāz
mire vajūd meñ gum saarā āsmāñ to huā

kuchh aur gumrahī-e-dil kā raaz kyā hogā
ik ajnabī thā kahīñ rah meñ kho gayā hogā

ġhuncha-o-gul hī pe kyā mauqūf thā rāz-e-jamāl
zarre zarre ko chaman ke rāz-dāñ samjhā thā maiñ

ishq-e-fānī ko nishāt-e-jāvedāñ samjhā thā maiñ
zindagī ke raaz ko ab tak kahāñ samjhā thā maiñ

us meñ bhī kuchh raaz hai varna dayār-e-husn meñ
dard-mandoñ kā koī ġham-ḳhvār pahle to na thā

bas ik aañch sī nazar aa.ī thī hai ye raaz ab bhī Dhakā Dhakā
vo terā hasīn itaab thā ki ham apne taav meñ jal ga.e

nigāh-e-dost ko is kī bhī hai ḳhabar lekin
vo raaz jis kā abhī dil bhī rāzdār nahīñ

na jaanā jis ne rāz-e-marg-o-hastī
vo kyā samjhe ki hai terī nazar kyā

jis ko ḳhabar nahīñ use josh-o-ḳharosh hai
jo pā gayā vo raaz vo gum hai ḳhamosh hai

ra.anā.ī-e-bahār pe the sab farefta
afsos koī mahram-e-rāz-e-ḳhizāñ na thā

chhup sakā dam bhar na rāz-e-dil firāq-e-yār meñ
vo nihāñ jis dam huā sab āshkārā ho gayā

maiñ ne kahā ki raaz chhupāyā na jā.egā
bole kisī se muñh bhī lagāyā na jā.egā

shajar kī Tahnī Tahnī meñ haiñ kitne raaz poshīda
har ik jañgal kā har ik peḌ pur-asrār ho jaise

nigāh-e-nāz hai ik kā.enāt-e-rāz-o-niyāz
jidhar kare vo ishāra udhar kī baat karo

kyuuñ na ro.e na kis tarah se jale
ki fuġhānī-e-rāz-dār hai sham.a