Tags-Rang

phir ġhaT ġhaT bhañg kā daur chalā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

hai rāg-rañg ruup nayā phir dhuum machā.ī holī ne
phir Dhol bajā phir rañg uḌā phir dhuum machā.ī holī ne

rañg sī shakl milī hai tujhe ḳhushbū sā mizāj
lāla-o-gul kahīñ terā hī sarāpā to nahīñ

zamīñ kuchh falak ko batāne lagī hai
dhanak rañg ke giit gaane lagī hai

dil kī dīvār par sivā us ke
rañg duujā koī chaḌhā hī nahīñ

farq itnā na sahī ishq o havas meñ lekin
maiñ to mar jā.ūñ tirā rañg bhī mailā kar ke

rañg uḌ kar raunaq-e-tasvīr aadhī rah ga.ī
ġham ġhalat karne kī ye tadbīr aadhī rah ga.ī

ye kyā sitam hai koī rañg-o-bū na pahchāne
bahār meñ bhī rahe band tere mai-ḳhāne

paayā jaatā hai tirī shoḳhi-e-raftār kā rañg
kaash pahlū meñ dhaḌaktā hī rahe dil merā

karishmā-sāz-e-azal kyā tilism bāñdhā hai
parīda rañg hai har naqsh phir bhī pyārā hai

jo mirī pusht meñ paivast hai us tiir ko dekh
kitnī ḳhush-rañg nazar aatī hai tasvīr ko dekh

sunā ke apne urūj-o-zavāl ke qisse
sabhī ne mujh se mirā rañg-e-dāstāñ pūchhā

mire vatan tirī ḳhidmat meñ le kar aayā huuñ
jagah jagah ke tilismāt des des ke rañg

'mānī' ko bai.at hai ik sanam se
kajlā.ī āñkheñ rañg salonā

jamtā hai apne zikr se ab mahfiloñ kā rañg
rahte haiñ apne ghar meñ magar jā-ba-jā haiñ ham

lā.egā rañg zabt-e-fuġhāñ dekhte raho
phūTegī har kalī meñ zabāñ dekhte raho

rañg achho zulf achho o zebā-ḳhāl
o jo chhab hai so kuchh ajab hai re

koī aas hai na hirās hai shab-e-māh kitnī udaas hai
vo jo rañg rañg ke aks the vo kiran kiran se chale ga.e

vo niyāz-o-nāz ke marhale nigah-o-suḳhan se chale ga.e
tire rañg-o-bū ke vo qāfile tire pairahan se chale ga.e

tire āñchal ke uḌne se fazā meñ
guloñ kā rañg chokhā ho gayā hai