Tags-Rang

saath is ke pale haiñ lākhoñ dil
kyuuñ na rañg-e-hinā lahū se mile

vo aa.ine ke sāmne kyā rūnumā hue
saada varaq ke rañg kā manzar utar gayā

maiñ na sunūñgā mājrā ma.arka-hā-e-shauq kā
ḳhuun ga.e haiñ rā.egāñ rañg nadāmatoñ meñ haiñ

partav-e-rañg hai ki hai diid meñ jāñ-nashīn-e-rañg
rañg kahāñ haiñ rūnumā rañg to nik.hatoñ meñ haiñ

fazā kī aañkh bhar aa.ī havā kā rañg uḌā
sukūt-e-shām ne chupke se terā naam liyā

hai jo rañg us kī jalva-gāhoñ meñ
dekhtā huuñ vahī nigāhoñ meñ

rañg-rūp kī lau bhī nazar us bhed ko kyā jaane
ruup aayā hai gulshan par yā gulshan jaltā hai

apnī tasvīr banāne ke liye duniyā meñ
maiñ ne har rañg pe ik rañg chaḌhānā chāhā

jo ik tasvīr thī dil meñ vo mujh se ban na paa.ī to
maiñ ek kāġhaz pe saare rañg bhar kar chhoḌ aayā huuñ

kyā 'mīr' hai yahī jo tire dar pe thā khaḌā
namnāk-chashm-o-ḳhushk-lab o rañg zard sā

chāñd meñ kaise nazar aa.e tirī sūrat mujhe
āñdhiyoñ se āsmāñ kā rañg mailā ho gayā

jaan paḌ jaatī hai dast-e-nāz se har chiiz meñ
rañg ban kar chaḌhtī haiñ hāthoñ meñ saarī chūḌiyāñ

ai buto sarkash agar ho ātish-e-rañg-e-hinā
sho.ala-e-javvāla ban jaa.eñ tumhārī chūḌiyāñ

us meñ bhī ḳhud-numā.ī ke rañg bahut haiñ in dinoñ
apne liye bhī arsa-e-ḳhvāb-o-ḳhayāl hai nayā

tumhāre naam ke hijje sañvār kar us meñ
ab apnā naam milā.eñge rañg bharte hue

jo mahv-e-raqs rahe rañg-o-nūr ke chau gird
bikhar ga.e haiñ tirī lau kā tauf karte hue

us ke har rañg se kyuuñ sho.ala-zanī hotī hai
un kī tasvīr to kāġhaz kī banī hotī hai

ehsās ke har rañg ko apnā letā
hañs letā gā letā ġham khā letā

yūñhī umr-bhar tire rañg-o-bū se mire lahū kī vafā rahe
maiñ charāġh ban ke jalā karūñ to gulāb ban ke khilā rahe

hai vahī sar vahī saudā vahī josh-e-vahshat
vasl tabdīl huī rañg na badlā apnā