Tags-Rang

maiñ ki junūñ ke paroñ pe uḌtī ḳhushbū thī
rañg rañg ke ākār meñ Dhaltā paara thī

khulte jaa.eñ jo tire band-e-qabā zulf ke saath
rañg-e-pairāhan-e-shab aur nikhartā jaa.e

guloñ pe shabnam nahīñ lahū hai
ye kaisī sauġhāt-e-rañg-o-bū hai

paanī zarā barasne de manzar phir dekh
rañg chhupe haiñ sab in siyah ghaTāoñ meñ

ye ab khulā ki us kī shā.erī meñ merī baat kā
jo rañg ḳhaas thā miTā izāfatoñ kī soch meñ

rañg lā.egā dīda-e-pur-āb
dekhnā dīda-e-pur-āb kā rañg

rīsh-e-vā.iz safed hai kitnī
nahīñ chaḌhtā kabhī ḳhizāb kā rañg

tere aate hī ho ga.ī paanī
uḌ gayā mohtasib sharāb kā rañg

ḳhuun se jaise vāsta hī nahīñ
saaf hai ḳhanjar-e-pur-āb kā rañg

ab to laale haiñ jān-e-muztar ke
aur hī kuchh hai iztirāb kā rañg

sadqe meñ apnī pārsā.ī ke
ki buḌhāpe meñ hai shabāb kā rañg

phir gayā aañkh meñ sharāb kā rañg
zālim uf re tire shabāb kā rañg

shaiḳh jaanā tujhe mohabbat meñ
dekhtā jā mirī sharāb kā rañg

sach hai ai hazrat-'riyāz' ye baat
ki judā sab se hai janāb kā rañg

nahīñ chhuptā tire itaab kā rañg
ki badalne lagā naqāb kā rañg

dāġh-e-dāman ne bhī kiyā paidā
hashr ke roz āftāb kā rañg

rañg kā us ke pūchhnā kyā hai
jis kā saaya bhī de gulāb kā rañg

apne apne rañg meñ yaktā maiñ hī maiñ huuñ tū hī tū hai
husn kī mūrat ishq kā putlā maiñ hī maiñ huuñ tū hī tū hai

manzil-e-aql junūñ rañg use miltī hai
jis ne ik baar rah-e-ishq meñ Thokar khaa.ī

hogā na ek rañg ḳhizān-o-bahār kā
būḌhe agar javānoñ ke shāmil hue to kyā