Tags-Rang

har rañg meñ haiñ paate bande ḳhudā ke rozī
hai painter to phir kyā rañgrez hai to phir kyā

lahar khātā hai rag-e-ḳhāshāk meñ jis kā lahū
jis ke dil kī aañch ban jaatī hai sail-e-rañg-o-bū

jis kī mehnat kā araq tayyār kartā hai sharāb
uḌ ke jis kā rañg bin jaatā hai jāñ-parvar gulāb

nāzir-e-gul pāsbān-e-rañg-o-bū gulshan-panāh
nāz-parvar lahlahātī khetiyoñ kā bādshāh

vus.ateñ maidān kī sūraj ke chhup jaane se tañg
sabza-e-afsurda par ḳhvāb-āfrīñ halkā sā rañg

lahū kā āḳhirī qatra nichoḌne par bhī
taqāze reñgte rahte haiñ rañg-o-bū ke liye

badalne rañg sikhlā.e jahāñ ko
kahūñ kyā surma ko vasma ko paañ ko

vīrān ghar meñ gulāb ke rañg
aur motiyā kī ḳhushbū kā iztirāb bikhar gayā

ashk to kuchh bhī rañg lā na sake
ḳhuuñ se tar aaj āstīñ kī hai

mohabbat rañg de jaatī hai jab dil dil se miltā hai
magar mushkil to ye hai dil baḌī mushkil se miltā hai

rañg chuntā hai zehn billor
jism jab dhuup se pighaltā hai

hamāre dil meñ koī aarzū nahīñ baaqī
hamāre phuul meñ ab rañg-o-bū nahīñ baaqī

rañg-e-gulshan dam-e-bahār na pūchh
vahshat-e-qalb-e-be-qarār na pūchh

visāl kī sarhadoñ tak aa kar jamāl terā palaT gayā hai
vo rañg tū ne mirī nigāhoñ pe jo bikherā palaT gayā hai

kaun is baaġh se ai bād-e-sabā jaatā hai
rañg ruḳhsār se phūloñ ke uḌā jaatā hai

sirf tere lab-o-ruḳh kī nahīñ tasvīr-e-chaman
mere bhī ġham ke ka.ī rañg ḳhizāñ meñ hoñge

tumhāre kamre meñ gulshan kā rañg-rūp milā
yahāñ to mez pe phūloñ ke saath ḳhaar bhī hai

vādi-e-kohsār-o-bayābāñ-o-gulistāñ
ajzā-e-rañg-rañg mirī dāstāñ ke haiñ

qātil se daḳhl kyā hai ki jāñ-bar ho apnā hosh
gar uḌ ke misl-e-tā.er rañg-e-hinā chale

rotā huuñ maiñ tasavvur-e-zulf-e-siyāh meñ
paanī baras rahā hai jame haiñ ghaTā ke rañg