Tags-Rang

is shahr ke yahīñ kahīñ hone kā rañg hai
is ḳhaak meñ kahīñ kahīñ sone kā rañg hai

surḳhī hai jo gulāb sī āñkhoñ meñ ai 'munīr'
ḳhār-e-bahār dil meñ chubhone kā rañg hai

dekh ai ahl-e-nazar sabza-e-ḳhat meñ lab-e-lāl
rañg-e-yāqūt chhupā hai ḳhat-e-raihān meñ aa

tumhāre rañg-e-jafā ko bhī hai qayām kahīñ
hamāre ishq kī manzil to kāmrānī hai

mehr-e-qabl-e-shām kī raftār mastāne kī hai
matl.a-e-rañg-e-shafaq meñ shaan maiḳhāne kī hai

naġhma hī naġhma thā yā rañg hī rañg
ham makāñ the ki makīñ yaad nahīñ

bhāge hai kahīñ rañg kisī par jo koī Daal
vo poTlī maare hai use dauḌ ke filhāl

un ke kyā rañg the ab yaad nahīñ hai mujh ko
kitne āñchal mirī taḳhīl meñ lahrā.e haiñ

tum se mil kar khil uThtā thaa, tum se chhūT ke phīkā huuñ
ai rañgrez mire chehre ke saare rañg tumhāre haiñ

be-rañg baḌe shahr kī hastī bhī vahīñ thī
ik rañg uḌātī huī titlī bhī vahīñ thī

ḳharch uThtā hī nahīñ aur rañg laatā hai ġhazab
be-gunah ke ḳhuuñ se bhī qashqa zarā khīñchā karo

ik roz rañg lā.eñgī ye mehrbāniyāñ
ham jānte the jaan ke ḳhvāhāñ tumhīñ to ho

kahīñ chāñd jugnū parinda rut kahīñ rañg dhuup dhanak nirt
mire daur meñ dil-e-muztarib ye ġhazal kī shīshagarī rahī

ik rañg ko jahāñ meñ nahīñ koī māntā
har rañg meñ rahūñ na maiñ shāmil to yā karūñ

ho ga.iiñ be-rañg jab agle baras kī putliyāñ
ḳhuun ro kar ham ne kiiñ rañgīñ qafas kī putliyāñ

hal saare masā.il ho jaa.eñ aapas kī kudūrat miT jaa.e
ho jhuuT se sab ko be-zārī ho rañg-e-sadāqat bātoñ meñ

ba.ad-e-firāq rañg-e-vasl hotā hai ain imbisāt
merā vo rāhat-e-ravāñ dil se huā do-chār-e-shab

rañg-e-shikast kyuuñ na ho hāl-e-umīd-vār-e-shab
tū hī to ishva-gar huā bā.is-e-intishār-e-shab

na aa sakā mire ash.ār meñ 'salīm' kā rañg
jo us ke munfarid andāz se ibārat hai

rañg ne gul se dam-e-arz-e-pareshānī-e-bazm
barg-e-gul reza-e-mīnā kī nishānī māñge