Tags-Rang

rañg se rāsta sūrat se patā letā huuñ
aur bichhḌe hue ik ishq ko jā letā huuñ

khīñch kar ik lakīr udāsī kī
rañg manzar meñ kuchh bharūñgī

faqat mere chehre pe hī rañg khil ke nahīñ utre haiñ
shafaq shaam kī merī ā.ankhoñ se bhī jhāñktī lagtī hai

fitrat ko ḳhirad ke rū-ba-rū kar
tasḳhīr-e-maqām-e-rañg-o-bū kar

vārā-e-farra-e-farhañg dekho rañg-e-suḳhan
abul-kalām nahīñ maiñ abul-ma.ānī huuñ

tā.ir-e-rañg-e-hinā kā murġh-e-jāñ hotā jalīs
ab nagīne ke shajar par āshiyānā chāhiye

husn kī apnī ik numū ishq kī apnī hāo-hū
ek havā hai rañg meñ ek havā hai raqs meñ

dam-ba-dam taġhayyur ke rañg haiñ zamāne meñ
kuchh kamī nahīñ aatī dard ke ḳhazāne meñ

tire daur-daura-e-ishq meñ mirī ek rañg se kaT ga.ī
na sitam huā na karam huā na jafā huī na vafā huī

kaisī vahshat hai ki dam lene kī fursat bhī nahīñ
jis ko dekho vahī ham-rañg-e-junūñ dauḌtā hai

aanā sabāh-e-hashr kā shām-e-firāq jhuuT
uḌ jaanā shor-e-nāla se rañg-e-sahar daroġh

uḌtā hai rañg saath hī āvāz-e-nāz ke
chīn-e-jabīñ se aap ko itnā ḳhatar daroġh

ye phuul rañg sitāre fazā kī ra.anā.ī
uThā ke bhuul gayā apne ruḳh se parda kaun

tujh se ye rabt ki mauhūm bhī mafhūm bhī hai
tū ki hai mujh se tirī ziist kā har rañg judā

ahl-e-gulshan the mahv-e-rāmish-o-rañg
haañ magar fikrmand thī ḳhushbū

vo rañg-e-tamannā hai ki sad-rañg huā huuñ
dekho to nazar huuñ jo na dekho to sadā huuñ

kitne pahlū haiñ ka.ī rañg chhupe haiñ mujh meñ
abhī aisā huuñ jo tū chāhe to vaisā ho jā.ūñ

mirī kahānī raqam huī hai havā ke aurāq-e-muntashir par
maiñ ḳhaak ke rañg-e-ġhair-fānī ko apnī tasvīr kar rahā huuñ

taras rahe haiñ dil-o-jāñ jo rañg-o-bū ke liye
mire nasīb meñ ik dasht-e-intizār to hai

baaġh vīrāna hone lagtā hai
rañg khulte haiñ is tarah mujh par