Tags-Rang

rañg ne gul se dam-e-arz-e-pareshānī-e-bazm
barg-e-gul reza-e-mīnā kī nishānī māñge

ye saañs bhar mire hisse kā ḳhvāb kaisā thā
ki jis meñ apne lahū se maiñ rañg bhartā rahā

zarā surāġh lagā mere rañg-e-ḳhasta kā
ġhamoñ kī dhuup meñ band-e-naqāb khol ke dekh

utar jā.egā rañg-e-āshiqī jab is ke ḳhuuñ se
to dil begāna-e-sūd-o-ziyāñ kaisā lagegā

na ho jab rañg-e-āzādī chaman meñ
to phir andesha-e-qaid-e-qafas kyā

ban ga.ī ḳhuun dast-e-qātil meñ
rañg laa.ī dil-e-hinā kī choT

jahez naam hī se rañg uḌ gayā us kā
ġharīb baap kī beTī jahāñ-shanās lagī

jab tak na bhare rañg vafā mānī-e-fitrat
tasvīr-e-mohabbat kabhī kāmil nahīñ hotī

talāsh-e-rañg meñ āvāra misl-e-bū huuñ maiñ
guzar ke aap se apnī hī justujū huuñ maiñ

sabhī tālāb phūloñ aur kirnoñ se bharā thā
badan ḳhush-rañg paanī se nikhāre jā rahe the

rañg-e-duniyā kitnā gahrā ho gayā
aadmī kā rañg phīkā ho gayā

mushtāq nigāhoñ se ye sehr TuuT rahā hai
chehre pe koī rañg sajāo ki chalā maiñ

kahīñ rañg-o-nūr-e-jamāl hai kahīñ bīm-o-fikr-e-ma.āl hai
kahīñ shaam ġhairat-e-sub.h hai kahīñ din bhī raat se kam nahīñ

āb-o-rañg-e-hayāt hai us se
aarzū jāgtoñ kā sapnā hai

'mīr-taqī' ke rañg kā ġhāza rū-e-ġhazal par aa na sakā
'kaif' hamāre 'mīr-taqī' kā rañg uḌāyā logoñ ne

nūr-e-sahar ne nik.hat-e-gul ne rañg-e-shafaq ne kah dī baat
kitnā kitnā merī zabāñ par qufl lagāyā logoñ ne

tire paikar kī jhalak daulat-e-ālam varna
rañg aur nuur ke is sail kī vaq.at mālūm

badal rahe haiñ zamāne ke rañg kyā kyā dekh
nazar uThā ki ye duniyā hai dekhne ke liye

dil mukaddar hai ā.īna-rū kā
na milā rañg se patā bū kā

guloñ kā rañg ab zard ho gayā hai
chaman meñ dekh kar terā badan surḳh