Tags-Rang

bahr-e-aivāñ aur banvā chilman ai parda-nashīñ
ho ga.ī bad-rañg haiñ agle baras kī tīliyāñ

ye biktī huī khokhlī rañg-raliyāñ
sanā-ḳhvān-e-taqdīs-e-mashriq kahāñ haiñ

kar dī sab apnī matā-e-zindagī jis par nisār
ye jahān-e-rañg-o-bū hargiz na raas aayā mujhe

rañg-e-gulāl muñh par aisā bahār de hai
juuñ āftāb-e-tābāñ zer-e-shafaq nihāñ hai

holī ke ab bahāne chhiḌkā hai rañg kis ne
nām-e-ḳhudā tujh uupar is aan ajab samāñ hai

varaq pe raat ke likkhī hai sub.h kī tahrīr
ye ek vaqt hai be-rañg-o-nūr sā koī

chhupāo aap ko jis rañg yā jis bhes meñ chāho
magar chashm-e-haqīqat-bīñ se pardā ho nahīñ saktā

chaman apne rañg meñ mast hai koī ġham-gusār-e-digar nahīñ
ki hai shabnam ashk-fishāñ magar gul-e-tar ko koī ḳhabar nahīñ

bujhā rahā thā maiñ apne vajūd kā ḳhurshīd
tirī nigāh meñ rañg-e-malāl kyuuñ aayā

ye udāsiyoñ kā jo rañg hai koī ho na ho mire sañg hai
mire sher meñ mirī baat meñ mirī ādatoñ meñ sifāt meñ

chhā rahā hai rañg har jānib bahār-e-husn kā
vā haiñ jin ke dīda-e-dil gul-badāmāñ ho ga.e

husn ne roz-e-azal jab ruḳh se sarkā.ī naqāb
chand jalve rañg ban kar bazm-e-imkāñ ho ga.e

chehra hamesha kyoñ pas-e-ġhāza chhupā rahe
is pe tū apne ḳhuun kā bhī rañg mal ke dekh

uñgliyoñ meñ us badan kā loch hai
rañg-o-ḳhushbū kā safar taazā huā

mere ḳhuuñ kī gardisheñ bhī baḌh ga.iiñ
us qabā kā rañg bhī gahrā huā

tūfān-e-abr-o-bād nihāñ sāhiloñ pe hai
dariyā kī ḳhāmushī meñ Dubone kā rañg hai

pā.īñ chaman hai ḳhud-rav daraḳhtoñ kā jhunD sā
mehrāb-e-dar pe us ke na hone kā rañg hai

is shahr ke yahīñ kahīñ hone kā rañg hai
is ḳhaak meñ kahīñ kahīñ sone kā rañg hai

surḳhī hai jo gulāb sī āñkhoñ meñ ai 'munīr'
ḳhār-e-bahār dil meñ chubhone kā rañg hai