Tags-Rang

bad-gumāñ ahbāb hote haiñ to hone dījiye
baat kyuuñ ho fikr-o-fan kī rañg-o-roġhan dekh kar

har ik chehre pe aa.e jab nazar ik dūsrā chehra
fareb-e-rañg-o-bū insān aksar khā hī jaatā hai

husn bhale ho raushan terā laal gulābī rañg liye
ishq kā tere partav lekin dil par niilā niilā hai

rañg-o-ḳhushbū ke husn-o-ḳhūbī ke
tum se the jitne isti.āre the

yuuñ ishq kī aañch khā ke rañg aur khile
yuuñ soz-e-darūñ se rū-e-rañgīñ chamke

tū sach kah rañg paañ hai ye ki ḳhuun ishq-bāzāñ hai
suḳhan rakhte haiñ kitne shaḳhs tere lab kī laalī meñ

mirā vaqt mujh se bichhaḌ gayā mirā rañg-rūp bigaḌ gayā
jo ḳhizāñ se baaġh ujaḌ gayā maiñ usī kī fasl-e-bahār huuñ

charāġh haiñ āsmāñ ke ThanDe vo bijliyāñ sard paḌ ga.iiñ sab
na ab vo tūfān-e-rañg-o-bū hai na ab chaman hai na āshiyāñ hai

ab itnī arzāñ nahīñ bahāreñ vo ālam-e-rañg-o-bū kahāñ hai
qafas meñ baiThe raho asīro abhī nasheman bahut girāñ hai

ilm ke saath salīqa ho to phir kyā kahnā
rañg-e-uslūb' se afkār nikhar jaate haiñ

taaza khile hue haiñ ye gulhā-e-zaḳhm-e-rañg
har aan ek mausam-e-ḳhūñ-rez mujh meñ hai

jo be-ruḳhī kā rañg bahut tez mujh meñ hai
ye yādgār-e-yār-e-kam-āmez mujh meñ hai

ḳhuun pattoñ pe jamā ho jaise
phuul kā rañg harā ho jaise

ai rañg rañg meñ aa āġhosh-e-tañg meñ aa
bāteñ hī rañg kī haiñ rañgat nahīñ hai mujh meñ

rañg phīkā paḌā vafāoñ kā
aaj kuchh is tarah vo sharmāyā

hastī ke aab o rañg kī tābīr kuchh to ho
mujh ko faqat ye ḳhvāb-e-zuleḳhā na chāhiye

ik aur jism hai merī nazar meñ tujh sā hī
ik aur rañg hai rañg-e-sahar se aage bhī

dekh be-manzari-e-manzar ko
kam se kam rañg to bharne de mujhe

dhule kapḌoñ pe dāġh-e-ḳhushbū rañg-e-zindagī raushan
tirī qurbat se dil kī sar-zamīn-e-pāk badlegī

zauq-e-nazar kī jur.at bebāk al-amāñ
rañg-e-hayāt ban ke fazāoñ pe chhā gayā