Tags-Raushni

apne hī lahū kī raushnī meñ
nairañg-e-jahāñ ko dekhtā huuñ

dāġh-e-dil se bhī raushnī na milī
ye diyā bhī jalā ke dekh liyā

ye be-yaqīnī ajab nasha hai ye be-nishānī ajab sakūñ hai
maiñ in añdheroñ ko raushnī se bachā rahā huuñ muaaf karnā

shab-e-bahār meñ tāroñ kī raushnī ke liye
matā-e-giryā-e-ḳhūñāba-bār chhoḌ gayā

ḳhud meñ utrūñgī to maiñ bhī lāpata ho jā.ūñgī
raushnī ke ġhaar meñ jā kar diyā ho jā.ūñgī

raushnī phir tujhe darpesh hai ik aur safar
duur tak jā.egī jo aag lagī hai mujh meñ

raushnī 'mahshar' rahegī raushnī apnī jagah
maiñ guzar jā.ūñgā merā naqsh-e-pā rah jā.egā

ab havā.eñ hī kareñgī raushnī kā faisla
jis diye meñ jaan hogī vo diyā rah jā.egā

maiñ raushnī kī kisī saltanat kā shahzāda
magar charāġh mile haiñ bujhe-bujhā.e mujhe

dil-o-dimāġh meñ ik raushnī sī dar aa.ī
har ek ghūñT pe kuchh zindagī ke raaz khule

yuuñ ehtimām-e-radd-e-sahar kar diyā gayā
har raushnī ko shahr-badar kar diyā gayā

vo ham nahīñ haiñ ki sirf apne hī ghar meñ sham.eñ jalā ke baiTheñ
vahāñ vahāñ raushnī kareñge jahāñ jahāñ tīrgī milegī

na.ī sahar ke hasīn sūraj tujhe ġharīboñ se vāsta kyā
jahāñ ujālā hai sīm-o-zar kā vahīñ tirī raushnī milegī

vo din bhī the jab añdherī rātoñ meñ bhī qadam rāh-e-rāst par the
aur aaj jab raushnī milī hai to ziist bhaTkī huī milegī

is vāste bhī raushnī hai bā.is-e-vahshat
āñkhoñ kī charāġhoñ se shanāsā.ī nahīñ hai

jab raushnī na pā sake mehr-o-qamar se ham
ḳhud be-niyāz ho ga.e shām-o-sahar se ham

aañkh vāloñ ne churā lī raushnī saarī to phir
ek andhe kī hathelī par diyā raushan huā

jaane kitne sūrajoñ kā faiz hāsil hai use
is mukammal raushnī se jo milā raushan huā

raushnī hai kisī ke hone se
varna buniyād to añdherā thā

zindagī baḌhī raushnī liye
raushnī baḌhī tīrgī liye