Tags-Raushni

ek tasvīr raushnī le kar
saa.e nikle to haiñ makān se kuchh

raushnī ke isti.āre us kināre rah ga.e
ab to shab meñ koī jugnū hai nā taarā is taraf

na koī aag hai mujh meñ na raushnī na dhuāñ
kisī ke ḳhvāb meñ jaltā huā diyā huuñ maiñ

agar itnī muqaddam thī zarūrat raushnī kī
to phir saa.e se apne pyaar karnā chāhiye thā

dil-e-ḳhush-fahm ko sub.h safar kī raushnī meñ
shab-e-ġham ke liye tayyār karnā chāhiye thā

ye mohabbat mujhe tāqat degī hausla degī ye himmat degī
raushnī terī nazar se le kar har añdhere se guzar jā.ūñgā

sūraj kī raushnī meñ kabhī apnī samt dekh
tārīkiyoñ meñ kyā tujhe saaya dikhā.ī de

'jalīl' ik sham-e-hasrat bujh ga.ī to ġham nahīñ is kā
abhī dāġh-e-jigar meñ raushnī ma.alūm hotī hai

raushnī thī to har ik shai kī haqīqat thī ayaañ
tīrgī meñ mirī āñkhoñ ke sivā kuchh na rahā

raushnī kī talāsh meñ ham ne
bārhā zulmatoñ se pyaar kiyā

muskurā do zarā ḳhudā ke liye
sham-e-mahfil meñ raushnī kam hai

ye mo.ajiza bhī dikhāyā hai āgahī ne hameñ
siyāh-ḳhānoñ meñ kar lī hai raushnī mahfūz

javāñ hai sūraj jabīñ pe jis ke tumhāre māthe kī raushnī hai
sahar hasīñ hai ki us ke ruḳh par tumhāre ruḳh kī sabāhateñ haiñ

jhilmilī raushnī har-samt nazar aatī hai
khīñchtī hai koī qindīl tah-e-āb hameñ

nazar ko tiir kar ke raushnī ko dekhne kā
salīqa hai hameñ bhī zindagī ko dekhne kā

samā.at meñ khanaktī raushnī se ho gayā hai
do-bālā lutf miTTī kī namī ko dekhne kā

kholūñ na raushnī ke darīche nigāh meñ
'ūshā' diloñ kī tiira fazā.eñ nibhā.ūñ maiñ

aao is tīra-baḳht duniyā meñ
fikr kī raushnī ko aam kareñ

bazm-e-duniyā meñ haiñ husn-o-ishq yuuñ jalva-numā
raushnī hai sham.a meñ to soz parvāne meñ hai

kahā: jaltā hai dil bole ise jalne diyā jaa.e
añdhere meñ kisī ko raushnī darkār to hogī