Tags-Raushni

tumhāre bas meñ nahīñ hai to raushnī dūñgā
charāġh ban ke jo utre kahe charāġhoñ ko

lahū jalāo charāġhoñ meñ raushnī ke liye
hamāre daur kā sūraj to shab-gazīda hai

itnī siyāh-rāt meñ itnī sī raushnī
ye chāñd vo nahīñ mirā mahtāb aur hai

raushnī tez karo, tez karo, tez karo
gum hai andesha-e-imroz kī zulmat meñ hayāt

aa gale lag jā hamāre tīrgī-e-shām-e-ġham
raushnī ke naam par dhoke bahut khāte haiñ ham

raushnī sham.a kī ḳhud gulū-gīr hai hañsnā tahzīb hai jalnā taqdīr hai
vo magar qatra-e-ashk-e-shabnam jise sub.h kī sab se pahlī kiran pā.egī

raushnī bhar ga.ī nigāhoñ meñ
ho ga.e ḳhvāb be-amāñ jānāñ

charāġh-e-ishq jaltā hai hamāre qalb-e-vīrāñ meñ
chale aao abhī tak raushnī hai is bayābāñ meñ

tum us kī raushnī takne meñ gum na ho jaanā
vo ek lau hai tumheñ aag bhī lagā degī

jabki sachchā.ī sirf syāhī hai
phir mire ghar meñ raushnī kyoñ hai

ye ajiib sub.h-e-bahār hai koī zindagī kī kiran nahīñ
hamīñ ḳhāliq-e-mah-o-mehr haiñ hamīñ raushnī ko taras ga.e

chhan chhan ke aa rahī hai kidhar se ye raushnī
merī fasīl-e-dard kī rif.at ko kyā huā

mile faqat mire hisse kī raushnī mujh ko
talab kahāñ hai koī āftāb mil jaa.e

raushnī se bharā huā ik shaḳhs
shahr bhar ke diye jalātā hai

hamīñ pe yūrish-e-zulmat hamīñ haiñ kushta-e-shab
hamīñ haiñ pesh-rav-e-sub.h-o-raushnī phir bhī

siyāh raat se ham raushnī banāte haiñ
purānī baat ko aksar na.ī banāte haiñ

na.e charāġh jalā yaad ke ḳharābe meñ
vatan meñ raat sahī raushnī manāyā kar

raushnī hai vo
vo dhuup hai khiltī huī

us ke mukhḌe kī raushnī kī sifat
mujh se kyā mahr o maah se pūchho

raat hai barsāt hai masjid meñ raushan hai charāġh
paḌ rahī hai raushnī bhīgī huī dīvār par