Tags-Raushni

maiñ bhī thā ik raushnī aur tīrgī ke darmiyāñ
mujh ko bhī zālim havā ne Das liyā

diyā pahuñchā nahīñ thā aag pahuñchī thī gharoñ tak
phir aisī aag jis se raushnī hotī nahīñ thī

āñkheñ khulīñ ki vā dar-e-zindān ho gayā
maiñ raushnī ko dekh ke hairān ho gayā

kaun ye raushnī ko samjhā.e
saath dete nahīñ kabhī saa.e

to raushnī ke malīde meñ rizq kī ḳhātir
maiñ raushnā.ī ke guude meñ āb-o-nāñ ke liye

kisī bhī ghar meñ sahī raushnī to hai ham se
numūd-e-sub.h se pahle to mat bujhāo hameñ

unhīñ se ubhrī haiñ kitne ġhamoñ kī tasvīreñ
vo saa.e jo mirī āñkhoñ kī raushnī meñ rahe

ḳhaak hone pe bhī kam hotā nahīñ jazba-e-ishq
raushnī sham.a kī parvāne liye jaate haiñ

guzashta mausamoñ meñ bujh ga.e haiñ rañg phūloñ ke
darīcha ab bhī merā raushnī ke zāviyoñ par hai

ye jo raushnī kā hai dā.era ye rahīn-e-shams-o-qamar nahīñ
tire bas meñ kab thā ki ab rahe tū uruuj rakh yā zavāl rakh

raushnī kī bāzyābī āftāb
TūTne vaale sitāre terā naam

apne māhaul meñ kyuuñ añdherā kareñ
der tak dekh kar raushnī kī taraf

ham jo ġhol-e-bayābāñ se vāqif nahīñ
chal diye duur kī raushnī kī taraf

ghar meñ miTTī kā diyā maujūd hai
raushnī se rābta maujūd hai

rāh-e-mastī meñ vo charāġh mile
jal ga.e raushnī rahī na rahī

zulm añdhere kā to sūrat mirī ta.amīr kī hai
raushnī kā sitam ījād kiyā hai maiñ ne

kitnī tārīk thiiñ rāteñ merī
raushnī kis ke makāñ se aa.ī

mere ābā-o-ajdād ne hurmat-e-ādmī ke liye
tā-abad raushnī ke liye

kisī ko niiñd na aatī ho raushnī meñ agar
to ḳhud charāġh-e-mohabbat bujhānā paḌtā hai

ḳhauf lagtā hai mujhe raushnī meñ jaane se
shaam ke vaqt bhī maiñ sham.a jalātā hī nahīñ