Tags-Raushni

saare chaqmāq-badan aayā thā tayyārī se
raushnī ḳhuub huī raat kī chiñgārī se

munjamid raushnī phūTī thī kisī chādar se
maiñ ne kal abr se chhantā huā dekhā saaya

talab ne chhīn lī bīnā.ī ḳhāvar
karūñ kyā raah kī maiñ raushnī kā

galī-kūche bahut raushan haiñ lekin
gharoñ meñ mas.ala hai raushnī kā

bikhar rahā hai fazā meñ ye duud raushnī kā
udhar pahāḌ ke jaltā huā sā kuchh to hai

mānūs raushnī huī mere makān se
vo jism jab nikal gayā resham ke thaan se

agar tum kahkashāñ maskan banāoge
to ham bhī raushnī-zāde haiñ

khil jaa.eñ raushnī pe mire pattharoñ ke rañg
us raat sī pahāḌ kā siina magar kaTe

tire falak pe kahīñ merā māhtāb nahīñ
vo raushnī kā vasīla tire janāb nahīñ

rāt-bhar ham jaleñge furqat meñ
raushnī aaj rāt-bhar hogī

raushnī us kī Daak se aane meñ to zamāne lag jaate haiñ
is daurān ik nuur kī chiTThī kabhī kabhī dastī aatī hai

ik yahī raushnī raushnī imkān meñ hai
tū abhī tak dil-e-vīrān meñ hai

fasīl-e-shahr pe raushan agar hoñ husn kī sham.eñ
to ik ik lafz 'shāhid' raushnī kā isti.āra ho

maiñ chal paḌūñgā sitāroñ kī raushnī le kar
kisī vajūd ke markaz ko darmiyān liye

mujhe zinda jalāyā jā rahā hai
to kyā maiñ raushnī karne lagā huuñ

hazār qāfila-e-zindagī kī tīra-shabī
ye raushnī sī ufuq ke qarīb kyā kahnā

raushnī bojh sī lagtī hai shab-e-hijrāñ meñ
haañ magar dil ko jalāne meñ maza aatā hai

gila kareñge na ab mere ba.ad ke rahrav
ki un ko rāh-e-mohabbat meñ raushnī na milī

nigāh lutf kī hai muntazir mirī shab-e-ġham
sitāre Duub chale aur raushnī na milī

hañsī guloñ meñ sitāroñ meñ raushnī na milī
mile na tum to kahīñ bhī hameñ ḳhushī na milī