Collections

Lab Shayari

Motivational Ghazals

Best Khamoshi Shayari

More Collections

Tags-Raushni

koī sūraj hai fan kā to mujhe kyā
maiñ apnī raushnī meñ sochtā huuñ

jise likh likh ke KHud bhi ro paDa hun

jo thā raste kī raushnī 'fikrī'
vo bhī nazroñ se ho gayā pinhāñ

zard peDon pe sham hai giryan

nayā yuuñ hai ki an-dekhā hai sab kuchh
yahāñ tak raushnī aatī kahāñ thī

naya yun hai ki an-dekha hai sab kuchh

charāġh-e-rāh se kuchh raushnī mayassar thī
havā kā zor usī raushnī ko le Duubā

mere sukun meri har KHushi ko le Duba

raushnī apne muqaddar kahāñ hogī 'shabīn'
jab diyā ham ne añdheroñ meñ jalāyā hī nahīñ

ab ke mausam mein koi KHwab sajaya hi nahin

phuul sūraj raushnī se duur shabnam kī taraf
din Dhale tāroñ ke darpan meñ sañvartī raat hai

KHamoshi ki dhun pe tanha raqs karti raat hai

mahkī huī dard kī chamelī
kyā raushnī bhar rahī hai dil meñ

KHwab aaina kar rahi hai dil mein

ye kis hisāb se kī tū ne raushnī taqsīm
sitāre mujh ko mile māhtāb us kā thā

ye kis hisab se ki tu ne raushni taqsim

us samt meñ jo dekhī kuchh tez raushnī sī
phir tīrgī-e-ḳhūñ ne maqtal kī raah pakḌī

ba-maniyon se bach ke mohmal ki rah pakDi

ye jo raushnī hai kalām meñ ki baras rahī hai tamām meñ
mujhe sabr ne ye samar diyā mujhe zabt ne ye hunar diyā

ye jo raushni hai kalam mein ki baras rahi hai tamam mein

dekh kuchh bhī na sakūñ maiñ kisī saa.e ke sivā
raushnī itnī ziyāda bhī nahīñ chāhiye hai

tujhse ab dard ka rishta bhi nahin chahiye hai

ye tilism-e-tamāshā hai saarā jahāñ ik tilism-e-nazar
raushnī kā samundar haiñ āñkheñ magar āshkāra hai kyā

kahkashan ke tanazur mein hum kya hamara sitara hai kya

maiñ tilism-e-raushnī se khā rahā thā kyuuñ fareb
dhuup thī to thā mirā apnā koī saaya na thā

muddaa jo zehn se uTTha tha wo beja na tha

ḳhvāhishoñ kī bijliyoñ kī jaltī bujhtī raushnī
khīñchtī hai manzaroñ meñ naqsha-e-āsāb sā

KHwahishon ki bijliyon ki jalti bujhti raushni

āftāb o kahkashāñ, ye chāñd, taare duur se
raushnī kā bil-yaqīñ madār dekhte rahe

hum zamin ka aatishin ubhaar dekhte rahe

musalsal dhund halkī raushnī bhīge hue manzar
ye kin barsī huī ā.ankhoñ kī nigrānī meñ aa.e haiñ

parinde jhil par ek rabt-e-ruhani mein aae hain

mire dil ke daaġh tū hī zarā aur lau baḌhā de
shab-e-ġham hai tiira tiira kahīñ raushnī nahīñ hai

mere waste jahan mein koi dilkashi nahin hai

ai nigāh-e-dost ye kyā ho gayā kyā kar diyā
pahle pahle raushnī dī phir añdherā kar diyā

ai nigah-e-dost ye kya ho gaya kya kar diya

in ujāloñ ko raushnī na kaho
raushnī aur chiiz hotī hai

dil-lagi aur chiz hoti hai

sho.ala-sāmāñ huī hai tārīkī
kaise jaage haiñ raushnī ke bhaag

aap kyun chheDte hain dipak rag