English
Favourite
Favourite
UrduShayarUrduShayar
Expand menu
Sign inAccount

Tags-Raushni

baḌe ḳhulūs se māñgī thī raushnī kī duā
baḌhā kuchh aur añdherā charāġh jalne se
Ghazal
 wo rokta hai mujhe shahr mein nikalne se
likh rahā hai raushnī kī dāstāñ
ik diyā jaltā huā mehrāb par
Ghazal
 kyun yaqin rakkhen KHayal-o-KHwab par
maiñ raushnī pe zindagī kā naam likh ke aa gayā
use miTā miTā ke ye siyāh raat thak ga.ī
Ghazal
 mere labon pe aate aate koi baat thak gai
jab bhī band kiiñ āñkheñ khul ga.iiñ mirī āñkheñ
raushnī se guzrā huuñ bārhā añdhere meñ
Ghazal
 shab-charagh kar mujhko ai KHuda andhere mein
agar mazār pe sūraj bhī lā ke rakh doge
ajal-nasīb na pā.egā raushnī kā surāġh
Qita
 agar mazar pe suraj bhi la ke rakh doge
rah-e-hayāt kī tārīkiyoñ meñ ai 'zāhid'
charāġh-e-dil hai mire paas raushnī ke liye
Ghazal
 har ehtimam hai do din ki zindagi ke liye
kabhī uThe the jo ḳhurshīd-e-zindagī ban kar
taras rahe haiñ vo tāroñ kī raushnī ke liye
Ghazal
 har ehtimam hai do din ki zindagi ke liye
ye daur-e-shams-o-qamar ye faroġh-e-ilm-o-hunar
zamīn phir bhī tarastī hai raushnī ke liye
Ghazal
 har ehtimam hai do din ki zindagi ke liye
ā.īna sañvartā hai un ke dekhe jaane se
rañg-o-nūr kahtā hai raushnī kā relā hai
Ghazal
 aaj meri palkon par qudsiyon ka mela hai
chāñdnī ab to khaa.e jaatī hai
raushnī dil jalā.e jaatī hai
Ghazal
 chandni ab to khae jati hai
raushnī dar raushnī hai us taraf
zindagī dar zindagī hai us taraf
Ghazal
 raushni dar raushni hai us taraf
raat bāġhīche pe thī aur raushnī patthar meñ thī
ik sahīfe kī tilāvat zehn-e-paiġhambar meñ thī
Ghazal
 raat baghiche pe thi aur raushni patthar mein thi
jugnū haiñ tīrgī meñ chamakte rahe haiñ ham
sūraj kī raushnī meñ chamakne nahīñ ga.e
Ghazal
 alfaz bik rahe the KHaride nahin gae
raushnī dīpak kī sūraj chāñd kī apnī jagah
nuur se raushan tire māthe kā ye Tiikā alag
Ghazal
 chand ki apni kahani raat ka qissa alag
un andheroñ kā kyā gila 'maḳhmūr'
vo andhere jo raushnī se mile
Ghazal
 muddaton baad hum kisi se mile
raushnī bhī nahīñ in meñ na hai ḳhushbū koī
kyā kitābeñ tirī kyā haiñ tire ash.ār miyāñ
Ghazal
 harf-e-haq kaun kahe ab sar-e-darbar miyan
ek lamhe ke vāste hī sahī
kaale bādal meñ raushnī bhī hai
Ghazal
 ghar ghar aapas mein dushmani bhi hai
andhe parakh rahe yahāñ me.ār-e-raushnī
dīdavar-e-hunar tirī dīda-varī kī ḳhair
Ghazal
 sahra-e-la-hudud mein tishna-labi ki KHair
ye raaz jāntī na thī tāroñ kī raushnī
kitnā hasīn chāñd chhupā thā naqāb meñ
Ghazal
 kaliyon mein tazgi hai na KHushbu gulab mein
kaliyoñ meñ tāzgī hai na ḳhushbū gulāb meñ
pahlī sī raushnī kahāñ jām-e-sharāb meñ
Ghazal
 kaliyon mein tazgi hai na KHushbu gulab mein
Top Urdushayar.com