Tags-Raushni

rāt-bhar terī raah takte rahe
tere kūche kī raushnī aur maiñ

raushnī parchhā.īñ paikar āḳhirī
dekh luuñ jī bhar ke manzar āḳhirī

isī falak se utartā hai ye añdherā bhī
ye raushnī bhī isī āsmāñ se aatī hai

maiñ kheltā huuñ us se magar jāntā huuñ ye
ik din mujhe Dasegā na.ī raushnī kā saañp

ye ek kāhkashāñ hī nahīñ mirī manzil
ki us ke ba.ad bhī baaqī hai raushnī kā safar

jahāñ pe log añdhere sajā.e baiThe the
vahāñ pe aaj bhī jaarī hai raushnī kā safar

mish.al-e-rāh ban ke ai 'tābāñ'
un ke jalvoñ kī raushnī aa.ī

kaun takiya kare mahtāb kī us raushnī par
sāmne bhī jo sahāre se nikal kar aa.ī

duur ke ek nazāre se nikal kar aa.ī
raushnī mujh meñ sitāre se nikal kar aa.ī

Dar to ye hai huī jo kabhī din kī raushnī
us raushnī meñ tum bhī lagoge avaam se

dūsroñ ko bhī raushnī pahuñche
yuuñ diyā ghar ke darmiyān meñ rakh

raushnī ban kar bikharne ke liye
zindagī hai ishq karne ke liye

laakh rokeñ ye añdhere mirā rasta lekin
maiñ jidhar raushnī jā.egī udhar jā.ūñgā

siyāh shab kā ġhanīm shāyad ki aa gayā raushnī kī zad meñ
sabhī charāġhoñ ko jis ne 'āzim' shahīd karne kī Thaan lī hai

dekhte hī dekhte khone se pahle dekhte
raushnī ko raushnī hone se pahle dekhte

dar-e-ufuq pe raqam raushnī kā baab kareñ
ye jī meñ hai ki sitāre ko āftāb kareñ

maiñ huuñ zulmat-guzīñ ye khel hai taqdīr kā varna
siyāhī se bhī maiñ ne raushnī ke naam par likkhā

na.e charāġh jalā yaad ke ḳharābe meñ
vatan meñ raat sahī raushnī manāyā kar

raushnī hai mirī vīrān-nigāhī kā sabab
ab na chehrā koī sūraj ke mumāsil laao

huuñ apnī raushnī kī aziyyat meñ mubtalā
jaltā huā charāġh huuñ ulTā paḌā huuñ maiñ