Tags-Sach

vo ḳhvāb se ye kahtā thā
ki tujh ko sach karūñgā maiñ

maiñ ne to ik baat kahī thī
kyā tū sach-much ruuTh gayā hai

faqat rañgoñ ke is jhurmuT ko maiñ sach maan luuñ kyā
vo sab kuchh jhuuT thā dekhā jo bīnā.ī se pahle

aap kyuuñ sach ke tahaffuz meñ khaḌe haiñ ab tak
aap ko roz pareshāñ kiyā jā.egā

to kyā sach-much judā.ī mujh se kar lī
to ḳhud apne ko aadhā kar liyā kyā

zamāna kuchh bhī samajhtā nahīñ hai sach hai ye
isī liye to tujhe bhī mirā samajhtā hai

ye baat sach hai ki terā makān ūñchā hai
tū ye na soch tirā ḳhāndān ūñchā hai

ye sach hai mil baiThne kī had tak to kaam aa.ī hai ḳhush-gumānī
magar diloñ meñ ye dostī kī numūd hai rāhat-e-bayāñ se

kal sub.h tak thiiñ aap kī āñkheñ jhukī huiiñ
sach kahiye kis ke haath se pī thī sharāb-e-shab

aap ko ujlā dikhe kaalā dikhe
sach to sach hai chāhe vo jaisā dikhe

vafā ke shahr meñ ab log jhuuT bolte haiñ
tū aa rahā hai magar sach ko māntā hai to aa

hai savāl aur aur javāb hai aur
sach kaho is ghaḌī kahāñ ho tum

be-vafā.eñ kā aib kaisā hai
ye to sach hai ki merī jaañ ho tum

har haal meñ lāzim hai mujhe pās-e-mohabbat
ye sach hai magar dil kā bharosa to nahīñ hai

ye sach hai us ne bujhā.ī na tishnagī lekin
hamārī tishna-dahānī kā us ko paas to hai

tū dilā detī hai us ko apnī ulfat kā yaqīñ
sach to ye hai tere kaaTe kā koī mantar nahīñ

na bolūñ sach to kaisā ā.īna maiñ
jo bolūñ sach to chaknā-chūr ho jā.ūñ

kyuuñ masīhāoñ se marham kī talab ho mujh ko
sach to ye hai mire zaḳhmoñ kā mudāvā tum ho

ye sach hai ham ko bhī khone paḌe kuchh ḳhvāb kuchh rishte
ḳhushī is kī hai lekin halqa-e-shar se nikal aa.e

har sach kā nasīb sañg-sārī
aur sach hī se vāsta hai mujh ko