English
Favourite
Favourite
UrduShayarUrduShayar
Expand menu
Sign inAccount

Tags-Sahil

ab vo piirī meñ kahāñ ahd-e-javānī kī umañg
rañg maujoñ kā badal jāatā hai sāhil ke qarīb
Ghazal
 dard sa uTh ke na rah jae kahin dil ke qarib
dard sā uTh ke na rah jaa.e kahīñ dil ke qarīb
merī kashtī na kahīñ ġharq ho sāhil ke qarīb
Ghazal
 dard sa uTh ke na rah jae kahin dil ke qarib
nāḳhudā laayā ki laayā hai ḳhudā
naav sāhil par lagī ab ghar chaleñ
Ghazal
 shab Dhali mahfil uThi ab ghar chalen
ilāhī kashti-e-dil bah rahī hai kis samundar meñ
nikal aatī haiñ maujeñ ham jise sāhil samajhte haiñ
Ghazal
 meri har sans ko sab naghma-e-mahfil samajhte hain
ik faqat sāhil talak aatā huuñ maiñ
rau meñ jaane kaise bah jaatā huuñ maiñ
Ghazal
 ek faqat sahil talak aata hun main
paḌtī nahīñ hai aañkh ke sāhil pe surḳh dhuup
kartā maiñ ārzūoñ ke lāshe hanūt kyā
Ghazal
 tari rahega soch pe wahshat ka bhut kya
shor-e-dariyā-e-vafā-e-ishrat ishrat-e-sāhil ke qarīb
ruk ga.e apne qadam aa.e jo manzil ke qarīb
Ghazal
 shor-e-dariya-e-wafa-e-ishrat ishrat-e-sahil ke qarib
e'timād un pe karo ḳhadsha hai ye bhī varna
dast-e-sāhil se samundar na uThā leñ ye kahīñ
Ghazal
 tez lahje ki ani par na uTha len ye kahin
bahtā jaatā huuñ maiñ gumnām jazīroñ kī taraf
vo samundar huuñ ki sāhil nahīñ koī merā
Ghazal
 qissa-e-KHwab hun hasil nahin koi mera
sāhil-e-marg pe rafta rafta le aayā
tanhā.ī kā rog bhī achchhā dushman hai
Ghazal
 jangal ka sannaTa mera dushman hai
ham to dariyā meñ bahut duur nikal aa.e haiñ
lauT jaao abhī nazdīk hai sāhil tum se
Ghazal
 jam khanke to sambhaala na gaya dil tum se
jo mauj sar ko paTaktī rahī hai sāhil se
usī ko rū-kash-e-tūfāñ banā diyā ham ne
Ghazal
 charagh-e-shauq lahu se jala diya humne
kuchh to kahtī hai sar-e-shām samundar kī havā
kabhī sāhil kī ḳhunuk ret pe jaa.eñ to sahī
Ghazal
 kitne dar wa hain kahin aankh milaen to sahi
abas sāhil pe tum lahroñ ko kyuuñ gin rahe yūñhī
jo ḳhvāhish motiyoñ kī thī kināra chhoḌ denā thā
Ghazal
 lahu ki bebasi ko yun na ruswa chhoD dena tha
ai mauj-e-āvāra kabhī ham se bhī Takrā
ik umr se ham bhī sar-e-sāhil nigarāñ haiñ
Ghazal
 kuchh sae se har lahza kisi samt rawan hain
sāhil pe baiThā dekh ke maujoñ kā iztirāb
uljhī huī sī gutthiyāñ suljhā rahā huuñ maiñ
Ghazal
 sadiyon ke baad hosh mein jo aa raha hun main
vo jo aatā nahīñ nahāne ko
bahr-o-sāhil meñ ḳhaak uḌtī hai
Ghazal
 hijr hai dil mein KHak uDti hai
lahroñ se lahreñ miltī haiñ sāgar umDā aatā hai
mañjdhār meñ basne vaale ne sāhil par jot jagā.ī hai
Ghazal
 Dhab dekhe to humne jaana dil mein dhun bhi samai hai
tumheñ sāhil kī hasrat hai hameñ tūfāñ se laḌnā hai
chalo behtar kiyā tum ne kinārā kar liyā ham se
Sher
 tumhein sahil ki hasrat hai hamein tufan se laDna hai
sāhil jo kaT ke girte haiñ dariyā kī god meñ
kyā ye qusūr bahte hue pāniyoñ kā hai
Ghazal
 chehre pe mere rang pareshaniyon ka hai
Top Urdushayar.com