Collections

Lab Shayari

Motivational Ghazals

Best Khamoshi Shayari

More Collections

Tags-Sahil

isī Dar se chaltā hai sāhil kināre
kahīñ gir na jaa.e nadī meñ phisal ke

kahin kho na jaana zara dur chal ke

ye merī laash ko sāhil pe rakh kar
samundar kis taraf ko jā rahā hai

kabutar jis taraf se aa raha hai

har ek lamha bhañvar hai har ek pal tūfāñ
kahāñ tak aur maiñ sāhil kī justujū meñ baḌhūñ

main sochta to hun lekin ye baat kis se kahun

gūñjtī rahtī haiñ sāhil kī sadā.eñ har-dam
ham ne dekhā hī nahīñ mauj-e-ravāñ se aage

aur ek shahr hai kya shahr-e-guman se aage

vo ishq kā dariyā hai ki ilyās ko jis kā
kahne ko pa.e naam bhī sāhil nahīñ miltā

hai hai koi dil dene ke qabil nahin milta

phuul murjhā na jaa.eñ bajroñ meñ
māñjhiyo koī giit sāhil kā

meri manind KHud-nigar tanha

sāhil pe ab charāġh farozāñ hue to kyā
ġharqāb ham ko kar ke ye sāmāñ hue to kyā

sahil pe ab charagh farozan hue to kya

mire kāñdhe pe vo bikhre
haiñ mauj ik vo maiñ sāhil huuñ

hawaon ke muqabil hun

ham chaTāneñ haiñ koī ret ke sāhil to nahī
shauq se shahr-panāhoñ meñ lagā do ham ko

na siyo honT na KHwabon mein sada do hum ko

miT ga.iiñ imroz o fardā kī hazāroñ uljhaneñ
jo sukūñ tūfāñ meñ paayā hai vo kab sāhil meñ thā

uf wo ek harf-e-tamanna jo hamare dil mein tha

uf vo ik harf-e-tamannā jo hamāre dil meñ thā
ek tūfāñ thā ki barsoñ hasrat-e-sāhil meñ thā

uf wo ek harf-e-tamanna jo hamare dil mein tha

lag ke sāhil se jo bahtā hai use bahne do
aise dariyā kā kabhī ruḳh nahīñ moḌā karte

hath chhuTen bhi to rishte nahin chhoDa karte

maiñ akasr kashtī-e-mauj-e-balā par sair kartā huuñ
mujhe sāhil pe us kā ik ishāra chhoḌ jaatā hai

jo apni chashm-e-tar se dil ka para chhoD jata hai

tamannā naañv ban kar bah rahī hai
mohabbat ek sāhil ho ga.ī hai

ye jab se raat buzdil ho gai hai

ab halqa-e-girdāb hī āġhosh-e-sukūñ hai
sāhil se bahut duur Dubo.e haiñ safīne

mara hamein is daur ki aasan-talbi ne

jaane kab mere samundar ko koī sāhil mile
kab se merā jism sargarm-e-safar paanī meñ hai

is taraf se us taraf tak KHushk o tar pani mein hai

mauj meñ aa kar sahrā bolā
mujh meñ bhī sāhil hotā hai

dil dena mushkil hota hai

chaḌhte dariyā kā Dar nahīñ yaaro
maiñ huuñ sāhil ko dekh kar ḳhāmosh

karwan sust rahbar KHamosh

sāhil se duur rah ke hai manzil kī justujū
maujoñ kī fikr ham ko na tūfāñ kī fikr hai

daman ki fikr hai na gareban ki fikr hai

sair-e-sāhil kar chuke ai mauj-e-sāhil sar na maar
tujh se kyā bahleñge tūfānoñ ke bahlā.e hue

hon jo sare dast o pa hain KHun main nahlae hue