Tags-Sahil

musāfir apnī manzil par pahuñch kar chain paate haiñ
vo maujeñ sar paTaktī haiñ jinheñ sāhil nahīñ miltā

vo bahr hai dariyā-e-sarishk apnā ki jis kā
pahnā hī nazar aave hai sāhil nahīñ ma.alūm

ab maiñ ik mauj-e-shab-e-tār huuñ sāhil sāhil
raah meñ chhoḌ gayā hai mirā mahtāb mujhe

maiñ bhī dariyā huuñ har ik samt ravāñ huuñ kab se
merā sāhil bhī nahīñ manzil-e-pāyāb mujhe

tūfānoñ meñ haath hilāne vāloñ ko
sāhil pe ik baar bulā mere maulā

maut aa.ī hai mujhe o bahr-e-ḳhūbī vasl meñ
merā beḌā Dūbne vaalā lab-e-sāhil kā hai

bhaTke hue gām-e-insāñ ko phir jāda-e-insāñ de ke gayā
har sāhil-e-zulmat ko apnā mīnār-e-daraḳhshāñ de ke gayā

maiñ ne sāhil se use Dūbte dekhā thā faqat
mujhe ġharqāb karegā yahī manzar us kā

kis qadar ik dūsre se lagte haiñ mānūs 'zeb'
nāriyal ke peḌ ye sāhil ke patthar aur maiñ

ho chuke gum saare ḳhadd-o-ḳhāl manzar aur maiñ
phir hue ek āsmāñ sāhil samundar aur maiñ

sāgar huuñ aur mauj ke har dā.ere meñ huuñ
sāhil pe koī naqsh-e-qadam kho gayā hai kyā

āfiyat hai merī fitrat ke munāfī ai 'rashīd'
varna aayā thā safīna jānib-e-sāhil mirā

zikr-e-tūfāñ bhī abas hai mutma.in hai dil mirā
nāḳhudā tum ho to phir dariyā mirā sāhil mirā

savād-e-sāhil
asā-ba-dast ab nahīñ hai koī

muhīt-e-ishq kī har mauj tūfāñ-ḳhez aisī hai
vo haiñ girdāb meñ jo dāman-e-sāhil meñ rahte haiñ

kahīñ to sāhil-e-nā-yāft kā nishāñ hogā
jalā ke ḳhud ko taqāzā-e-āh hoñ to sahī

jis ke sāhil kā kuchh patā hī nahīñ
aisī kashtī ko iḳhtiyār na kar

maiñ hairat o hasrat kā maarā ḳhāmosh khaḌā huuñ sāhil par
dariyā-e-mohabbat kahtā hai aa kuchh bhī nahīñ pāyāb haiñ ham

agar aatā huuñ sāhil par to āñdhī gher letī hai
samundar meñ utartā huuñ to tuġhyānī nahīñ jaatī

chalegī tere jism kī naav
dariyā ko sāhil se dekho