Tags-Sahil

ab vo girdāb kī kashtī kī kahānī na sunā
tujh ko sāhil pe pahuñchnā hai to maujoñ se nikal

ye kyā ki Duub kar hī mile sāhil-e-najāt
sailāb-e-ḳhūñ se paar utarnā bhī sīkhiye

ik umr se haiñ halqa-e-girdāb meñ ghire
nā-āshnā-e-qurbat-e-sāhil hamī to haiñ

tūfān meñ phañse to kināre tak aa ga.e
sāhil ne un ko phir bhī ubharne nahīñ diyā

nāma-bar koī nahīñ hai to kisī lahr ke haath
bhej sāhil kī taraf apnī ḳhabar paanī se

kashtiyāñ kis liye sāhil se bañdhī rahtī haiñ
ho na ho niile samundar meñ koī ġhaar na ho

sāhil par jab sabz farishte hī rahte haiñ
dariyā meñ phir kis ne zahr milāyā hogā

jab sāgar apne par aayā
sāhil kī har chiiz bahā dī

ik vo bhī safīna thā apnā jo sāhil sāhil ghuum gayā
ik ye bhī hamārī kashtī hai jo lahroñ meñ sar phoḌ ga.ī

mauj-e-ḳhuddār agar hai to sū-e-ġhair na dekh
kisī tūfāñ kisī sāhil kā bharosā bhī na kar

sāhil kī giilī ret ne baḳhshā thā pairahan
jaise samundaroñ kā safar chashm-e-tar kā thā

kyā jaane bahr-e-ishq meñ kitne hue haiñ ġharq
sāhil se sat.h aab ko hamvār dekh kar

sāhil par to haath ko haath sujhā.ī nahīñ detā hai
shāyad kisī jahāz meñ bhar kar laa.e koī saverā

kashtī maujoñ meñ Daalī hai marnā hai yahīñ jiinā hai yahīñ
ab tūfānoñ se ghabrā kar sāhil kā irāda kaun kare

yahī bahut hai ki tum dekhte ho sāhil se
safīna Duub rahā hai to koī baat nahīñ

isī tarah maiñ bhī saath in ke utar gayā huuñ
aur aise sāhil par aa lagā huuñ

tūfān-e-alam kyuuñ mujhe sāhil pe utārā
maiñ shor-e-talātum se hirāsāñ to nahīñ thā

bashar ko dekhiye bā-īñ-hama sāhil pe martā hai
hubāb apnā asāsa sail-e-be-parvā meñ rakhte haiñ

aur kisī sāhil par jā kar ubharūñgā ek aur badan meñ
miTTī chhoḌ rahā huuñ maiñ mujh ko dariyā meñ utarne denā

sun ki ye madd-o-jazr-e-sāhil-e-bahr
mājrāoñ kā mājrā to nahīñ