English
Favourite
Favourite
UrduShayarUrduShayar
Expand menu
Sign inAccount

Tags-Sahil

itnī ūñchā.ī se to merī zabūñ-hālī dekh
jitnī duurī se nazar aatā hai sāhil mujh ko
Ghazal
 jab bhi tanhai kabhi hoti hai hasil mujhko
kis kā Dar aur kis kā khaTkā ek hī sāhil ek hī rasta
sapnoñ kī naav khete jaa.eñ uf rī javānī haa.e zamāne
Ghazal
 yaad jo aae KHud sharmaen uf ri jawani hae zamane
sab sair ko nikleñge sar-e-sāhil-e-har-ḳhvāb
sayyāhoñ ke chūmeñge qadam donoñ kināre
Ghazal
 mumkin hai ki milte koi dam donon kinare
bahr-e-ġham bhī hai kabhī āshiq ḳhasta ke liye
hai kabhī sāhil-e-ishrat bhī tumhārā chehra
Ghazal
 inki nazron mein na ban jae tamasha chehra
kabhī nīlgūñ āsmāñ ke tale
sabz sāhil pe milne kā va.ada huā thā
Nazm
 samundar ki jaanib se aati hawa mein
maiñ ne sāhil par jalā diiñ maslahat kī kashtiyāñ
ab kisī kī bevafā.ī kā nahīñ khaTkā mujhe
Ghazal
 meri apnai hui qadron ne hi nocha mujhe
Duub kar paar utarte haiñ utarne vaale
qa.ar-e-dariyā kā maza dāman-e-sāhil meñ nahīñ
Ghazal
 main pas-e-tark-e-mohabbat kisi mushkil mein nahin
saath tūfān-e-havādis hai magar ab
zindagī nazdīk-e-sāhil ho ga.ī hai
Ghazal
 daulat-e-haq mujhko hasil ho gai hai
rukte haiñ kab rokne se mauj-e-tūfāñ ke 'guhar'
hausle vaale pahuñch jaate haiñ sāhil ke qarīb
Ghazal
 gham nahin jo luT gae hum aa ke manzil ke qarib
ġham nahīñ jo luT ga.e ham aa ke manzil ke qarīb
jaane kitnī kashtiyāñ Duubī haiñ sāhil ke qarīb
Ghazal
 gham nahin jo luT gae hum aa ke manzil ke qarib
aas mahke jo kisī kho.e jazīre kī kabhī
terī bāñheñ mujhe sāhil pe bulāne lag jaa.eñ
Ghazal
 KHwab aise ki gai raat Darane lag jaen
muqaddar meñ sāhil kahāñ hai miyāñ
mirī naav be-bādbāñ hai miyāñ
Ghazal
 muqaddar mein sahil kahan hai miyan
dariyā bas ik qadam kabhī sāhil kī samt aa
dekhūñgā zor kitnā hai tere ubaal meñ
Ghazal
 danaiyan aTak gain lafzon ke jal mein
sambhal kar zarā ai mohabbat kī kashtī
maiñ tūfāñ hī tūfāñ huuñ sāhil nahīñ huuñ
Ghazal
 fareb-e-mohabbat se ghafil nahin hun
is raaz ko kyā jāneñ sāhil ke tamāshā.ī
ham Duub ke samjhe haiñ dariyā tirī gahrā.ī
Ghazal
 is raaz ko kya jaanen sahil ke tamashai
kis ne āvāz mujhe sāhil-e-jāñ se dī hai
naav kyuuñ dil kī lapaktī hai bhañvar kī jānib
Ghazal
 sang aata hai koi jab mere sar ki jaanib
nit-na.e sāhil-o-amvāj dikhātā hai mujhe
ik samundar hai ki har-lahza bulātā hai mujhe
Ghazal
 kis ki taswir se aaina Daraata hai mujhe
maiñ sāhil dariyā se khaḌī dekh rahī huuñ
sākin hai har ik lahr to har ek bhañvar chup
Ghazal
 is lamha-e-viran mein chup chand nazar chup
sabz-o-shādāb sāhil
ret ke aur paanī ke giit
Nazm
 bambai
ai muqaddas huur ai parvarda-e-mauj-e-nasīm
rūh-e-ishrate-gāh-e-sāhil jān-e-tūfān-e-azīm
Nazm
 nazr-e-Khaalida
Top Urdushayar.com