Tags-Angdaai

kamar ḳhayāl maTaktī kalī lachaktā shabāb
kamān TūTtī añgḌā.ī hashr jān-kanī

sunsān bayābānoñ meñ hai ik jazba-e-gulshan-ārā.ī
vīrāñ khañDaroñ meñ letā hai mahloñ kā tasavvur añgḌā.ī

be-ḳhatar haiñ susti-e-andām se nāzuk-mizāj
justujū-e-bāda meñ shīshoñ kī añgḌā.ī nahīñ

ho ga.e TeḌhe agar ham ne jagāyā niiñd se
aap dar-parda akaḌte haiñ ye añgḌā.ī nahīñ

nashshe meñ zinda haiñ hai īsā-nafas apnā ḳhumār
jaan a.azā meñ chalī aatī hai añgḌā.ī nahīñ

use sadiyāñ lageñgī niiñd se bedār hone meñ
abhī āġhāz kā mausam hai añgḌā.ī safar meñ hai

aañkh paḌte hī na thā naam shakebā.ī kā
dar-e-mai-ḳhāna thā naqsha tirī añgḌā.ī kā

husn ke haath bañdhe to vo zarā der sahī
mujh par ehsāñ tirī aa.ī huī añgḌā.ī kā

ab tak mere gītoñ meñ ummīd bhī thī paspā.ī bhī
maut ke qadmoñ kī aahaT bhī jīvan kī añgḌā.ī bhī

ab to us ke baare meñ tum jo chāho vo kah Daalo
vo añgḌā.ī mere kamre tak to baḌī rūhānī thī

dā.ere aise banātī hai yahāñ qaus-e-quzah
hū-ba-hū jaise kisī shoḳh kī añgḌā.ī ho

zanjīr ne kī jumbish vahshat ne lī añgḌā.ī
shāyad ki bahār aa.ī shāyad ki bahār aa.ī

bistar-e-nik.hat pe ye putlī jo mahv-e-ḳhvāb thī
mast añgḌā.ī ke hāthoñ jaag uThī sharmā ga.ī

yahī hai dastūr-e-shahr-e-hastī ki jo nayā hai vahī purānā
hayāt añgḌā.ī le rahī hai zamāna karvaT badal rahā hai

vo tire jism kī qauseñ hoñ ki mehrāb-e-haram
har haqīqat meñ milā ḳham tirī añgḌā.ī kā

tuur kushta hai usī nāz-e-ḳhud-ārā.ī kā
barq kī lahr hai naqsha tirī añgḌā.ī kā

jazr-o-mad husn ke dariyā meñ nazar aatā hai
qābil-e-dīd hai aalam tirī añgḌā.ī kā

mauj-dar-mauj ravāñ bāda-e-sar-josh-e-shabāb
ālam-e-kaif hai aalam tirī añgḌā.ī kā

aa ġham-e-zindagī kahāñ hai tū
aarzū le rahī hai añgḌā.ī

uThā.e haath to añgḌā.ī isti.āra bane
vo tāb-o-tab hai ki har dil ġhazāl hai us kā