Tags-Shaheed

kahtā hai ye pukār ke ḳhūn-e-shahīd-e-nāz
qātil maiñ tere gosha-e-dāmāñ se duur huuñ

qatl aalam hai tere abrū par
koī talvār se shahīd nahīñ

kare kyā sāz-e-bīnish vo shahīd-e-dard-āgāhī
jise mū-e-dimāġh-e-be-ḳhudī ḳhvāb-e-zuleḳhā ho

jo shahīd-e-rāh-e-vafā hue vo isī ḳhushī meñ magan rahe
ki jo din the un kī hayāt ke ġham-e-zindagī meñ guzar ga.e

vo baar baar mohabbat se zikr-e-ḳhair kareñ
shahīd-e-ġham kī yahī fātiha yahī hai darūd

urūs-e-marg se shādī huī hai ḳhuuñ se lab tar hai
gale meñ ye shahīd-e-nāz ke joḌā shahāna hai

paate haiñ lutf-e-hayāt-e-abadī tere shahīd
zab.h karnā tirā ejāz-e-masīhā.ī hai

hazāroñ shahīd-e-mohabbat haiñ dafn
galī us kī aur karbalā ek hai

maiñ aisā sar huuñ jo dasht-e-ġhurbat meñ kaT gayā thā
maiñ sar-burīda shahīd lāshoñ meñ rah chukā huuñ

mar ga.e lākhoñ shahīd-e-nāz kuchh parvā nahīñ
vo tamāshā-e-hilāl-e-īd-e-qurbāñ meñ rahā

sar kaTā kar shahīd hote haiñ
umr kho kar kamāl aatā hai

dāḌheñ lagīñ ukhaḌne ko dandāñ hue shahīd
majlis meñ chal-ba-chal ye paḌī tab ḳhabar paḌī

mere marne se hue saikḌoñ armān shahīd
'ālim' anjām meñ dil ganj-e-shahīdāñ niklā

supurd-e-ḳhāk karte haiñ shahīd-e-ishq ko yārab
ye daana ḳhaak meñ mil kar gul-o-gulzār ho jaa.e

bas-ki maiñ tishna-e-shahādat huuñ
dil ko har-dam shahīd kartā huuñ

ḳhūnīñ-kafan-e-shahīd-e-ulfat
dūlhā sā banā huā khaḌā hai

kahāñ ke dār-o-rasan aur kyā shahīd-e-vafā
ye kārobār bhī kal phir uThā ke baiTh rahe

jo nigah hai chashm-e-siyāh meñ vahī barq-e-tūr hai raah meñ
tirī aañkh par jo fidā hue vo shahīd-e-rāh-e-ḳhudā hue

sipah-gar
ai shahīd-e-hurmat-e-arz-e-vatan