Tags-Shaheed

shahīd-e-zauq-e-taġhazzul thā kam-suḳhan 'ja.afar'
ġhazal kī baat na chaltī to boltā bhī na thā

shukr-e-ḳhāliq hai ki be-minnat maiñ hotā huuñ shahīd
dil ko yād-e-abrū-e-qātil hai ḳhanjar kī tarah

ḳhūnīñ kafan-e-shahīd-e-ulfat
dūlhā sā banā huā khaḌā hai

hote haiñ qurbāñ shahādat meñ gale mil kar shahīd
dosh-e-qātil par hilāl-e-īd ban jaatī hai teġh

shahīd-e-āb-o-namak haiñ so baḌhte jaate haiñ
shikast o fat.h piyādoñ ko kab pukārtī hai

bulbul ba-āh-o-nāla va gul mast-e-rañg-o-bū
mujh ko shahīd-e-rasm-e-gulistāñ banā diyā

ham shahīd-e-ġham-o-alam hī sahī
zindagī to hai surḳh-rū ham se

is teġhzan niiñ dil kuuñ diyā hai mire ḳhitāb
bismil kaho shahīd kaho jāñ-fidā kaho

abrū se ham shahīd mizha se raqīb huuñ
talvār idhar lagā.iye baan aur kī taraf

alarraġhm-e-dushamn shahīd-e-vafā huuñ
mubārak mubārak salāmat salāmat

madad tayār hai naqsha iram kā khiñch ke aayā hai
shahīd-e-nāz par rahm aa gayā madfan banāte haiñ

nashāt-e-dāġh-e-ġham-e-ishq kī bahār na pūchh
shaguftagī hai shahīd-e-gul-e-ḳhizānī-e-sham.a

phir vahī saut-e-tarab-afzā bane firdaus-e-gosh
jis se ik aalam shahīd-e-naġhma-e-mastāna thā

koī qātil maiñ rahī 'mehr' se kitnī hī shahīd maiñ huuñ aur qaid-e-shadīd
ham-safīrān-e-chaman rā ki rasānd ḳhabre az man-e-nauha-gare

tire shahīd ko dūlhā banā huā dekhā
ravāñ janāze ke pīchhe barāt kitnī hai

afsos ve shahīd ki jo qatl-gāh meñ
lagte hī us ke haath kī talvār mar ga.e

royā hai merā dīda-e-tar kis shahīd ko
mash.hūr ho gayā hai jo chashma furāt kā

mire jazbe mirī shahādat haiñ
bahte aañsū shahīd kartī huuñ

kisī lāshe pe ye bād-e-sabā kahtī huī guzrī
shahīd-e-ishq hai is ke lahū ko taaza kahte haiñ

kyuuñ dajla-o-furāt ke da.ave ki nahr par
tishna-dahan shahīd-e-jafā ham hue ki tum