Tags-Shaheed

rakkhā jo ik shahīd kī turbat pe us ne paañv
aa.ī sadā ye vaañ se ki dāman uThā.iye

jahāñ meñ us ke shahīd kā ho na kyūñki rutba buland yaaro
yahī hai me.arāj āshiqoñ kī jo sar ho ba.ad-az-fanā sināñ par

paḌā rahne de ab hai tujh ko fikr-e-ġhusl-e-tan kis kā
shahīd-e-nāz huuñ terā lahad kis kī kafan kis kā

siyāh shab kā ġhanīm shāyad ki aa gayā raushnī kī zad meñ
sabhī charāġhoñ ko jis ne 'āzim' shahīd karne kī Thaan lī hai

ḳhudā bhī kaisā huā ḳhush mire qarīne par
mujhe shahīd kā darja milā hai jiine par

ḳhudā bhī kaisā huā ḳhush mire qarīne par
mujhe shahīd kā darja milā hai jiine par

sab surḳhiyāñ haiñ ḳhūn-e-vafā sī likhī huī
qissa hai dil-gudāz shahīd-e-niyāz kā

jo samjhe ḳhizr to qaul-e-shahīd-e-ulfat ko
girah meñ bāñdh rakkhe umr-e-jāvedāñ kī tarah

shahīd-e-jaur-e-gulchīñ haiñ asīr-e-ḳhasta-tan ham haiñ
hamārā jurm itnā hai havā-ḳhvāh-e-chaman ham haiñ

jī phañsā hai jā ke us zulfoñ ke biich
dil shahīd us nargis-e-bīmār kā

qātil tirī galī bhī badaun se kam nahīñ
jis ke qadam qadam pe mazār-e-shahīd hai

ik aarzū hai daulat-e-kaunain se sivā
kah kar pukāreñ log shahīd-e-vatan mujhe

shahīd hai 'sāqī'-e-duā-go kashīda kyuuñ is qadar hue ho
kabhī to ai yaar dekhne ko zarā qatīl-e-nazar ko chaliye

abhī kyā sard qātil ye shahīd-e-tufta-jāñ hotā
koī dam sham-e-murda meñ bhī hai baaqī dhuāñ hotā

ab us kā haq hai bahisht-e-badan pe jā uThnā
nigah hui hai rah-e-dīd par shahīd us kī

hai ishq us tabassum-e-jāñ-baḳhsh kā shahīd
rañgīniyāñ liye hai jo sub.h-e-hayāt kī

jī bhar ke dekh luuñ to kar is jurm par shahīd
yuuñ apne sar pe ḳhuun na le be-gunāh kā

ḳhud apne ishva-o-andāz kā shahīd huuñ maiñ
ḳhud apnī zaat se bartī hai be-ruḳhī maiñ ne

apne shahīd-e-nāz se bas haath uThā ki phir
dīvān-e-hashr meñ use laayā na jā.egā

shahīd-e-ḳhanjar-e-ulfat muā nahīñ
salāmat hai salāmat hai salāmat