Tags-Shaheed

mire jazbe mirī shahādat haiñ
bahte aañsū shahīd kartī huuñ

shahīd hone se pahle use bhī dekhnā thā
magar ye baat use jañg se na kah paayā

mire hāthoñ meñ ḳhuun malo to zarā tumhīñ dekho to rañg dikhātā hai kyā
karo aaj numūd-e-shahīd-e-adā tumheñ shoḳhi-e-rañg-e-hinā kī qasam

ai aarzū shahīd-e-vafā ḳhūñ-bahā na maañg
juz bahr-e-dast-o-bāzu-e-qātil duā na maañg

shahīd-e-nāz yuuñ hī surḳh-rū ho
shafaq muñh par ho dāman par lahū ho

shahīd-e-yās huuñ rusvā huuñ nākāmī ke hāthoñ se
jigar kā chaak baḌh kar aa gayā hai mere dāman meñ

mire ḳhaak o ḳhuuñ se tū ne ye jahāñ kiyā hai paidā
sila-e-shahid kyā hai tab-o-tāb-e-jāvedāna

jī haañ vo ik charāġh jo sūraj thā raat kā
tārīkiyoñ ne mil ke kiyā hai shahīd use

jo shahīd-e-zauq-e-hayāt ho use kyuuñ kaho ki vo mar gayā
use yuuñ hī rahne do hashr tak ye janāza kis ne uThā diyā

akbar dabe nahīñ kisī sultāñ kī fauj se
lekin shahīd ho ga.e biivī kī nauj se

'zafar' ghire to usī razm-e-gāh-e-hastī meñ
hue shahīd saf-e-karbalā se laḌte hue

harī bharī khetiyāñ kahāñ haiñ mire muqaddar ke zā.iche haiñ
shahīd-e-ishq-e-vafā kā 'tāhir' hatheliyoñ par hisāb likhnā

dekh tujh naaz kī nazākat kuuñ
nighat-e-gul shahīd-e-hairat hai

ḳhil.at shahīd-e-nāz ko bhijvāte haiñ javāb
kashtī meñ pahle phūloñ kī chādar lagā.iye

teġh-e-abrū señ maiñ shahīd huā
is surūhī kā kyā balā hai kaaT

vo shahīd-e-nigah-e-nāz nazar aate haiñ
āj-kal aur hī andāz nazar aate haiñ

jo shahīd-e-nāz kūche meñ tumhāre thā paḌā
kyā kahūñ taqdīr use kyūñkar uThā kar le ga.ī