Tags-Shaheed

ye shahīd-e-haq samajh baiThe haiñ apne-āp ko
maiñ to jannat meñ na aane dūñgā in ke baap ko

qātil o zālim dar-e-jannat pe mañDlāne lage
arz-e-pakistan se kitne shahīd aane lage

ek din jannat meñ bolā ik shahīd-e-haq-shanās
maslak-e-haq par nahīñ hai merī jannat kī asaas

ai shahīd-e-mulk-o-millat maiñ tire uupar nisār
le tirī himmat kā charchā ġhair kī mahfil meñ hai

ham ho ga.e shahīd ye e.azāz to milā
ahl-e-junūñ ko nukta-e-āġhāz to milā

tum ne to āstīñ ke sivā haath bhī rañge
aayā shahīd-e-nāz kā itnā lahū pasand

'shāhīn' se aziiz hai apnā lahū to kyā
na.ash-e-shahīd ke liye ḳhūnīñ kafan bhī lā

yaad aa ga.ī thī mujh ko shahīd-e-vafā kī pyaas
dariyā ko dekh kar jo mirā dil sharar huā

bāñg-e-zabīh ho na kabhī āshnā-e-gosh
kyūñ-kar tire shahīd fuġhāñ be-gulū kareñ

dil shahīd-e-rah-e-dāmān na huā thā so huā
TukḌe TukḌe jo garebāñ na huā thā so huā

uThā na hashr ke fitna ko chaal se nādāñ
tire shahīd kā be-lutf ḳhvāb kar degā

qalb-e-shahīd meñ hai tajallī-e-husn-e-yār
mushtāq-e-jalva kyuuñ na hoñ dil se fidā-e-qalb

kis jā karegā mayyat-e-ushshāq dafn tū
yaañ hai shahīd-e-nāz kī turbat bharī huī

har chiiz hai mahv-e-ḳhud-numā.ī
har zarra shahīd-e-kibriyā.ī

bañdheñ vo haath hinā se kiyā hai jin se shahīd
kuchh aur yaar se manzūr intiqām nahīñ

shahīd-e-ishq hue qais nāmvar kī tarah
jahāñ meñ aib bhī ham ne kiye hunar kī tarah

merā suḳhan hī thā mirā sarmāya-e-hayāt
phir maiñ huā shahīd bhī apne suḳhan se thā

sunā hai aaj ke din zindagī shahīd huī
isī ḳhushī meñ har ik samt dīp-mālā hai

ibādatoñ ke liye imārāt muḳhtalif haiñ ḳhudā vahī hai
to chāhe mandir ko toḌ Daale ki koī masjid shahīd kar de

is daur meñ shahīd ke vāris ko maal de
phir shāhid-o-shuhūd se aage kī baat kar