Tags-Shaheed

tanābeñ kūcha-e-qātil kī khiñchtī jaatī thiiñ
shahīd-e-teġh-e-adā meñ bhī zor kitnā thā

rah-e-razā meñ hai ḳhūnī-kafan se shān-e-shahīd
to jaan bech ke raḳht-e-safar ḳharīd liyā

kushte haiñ baaġh meñ bhī tirī teġh-e-nāz ke
bū-e-shahīd laala meñ aur arġhavāñ meñ hai

uThe the talvār khīñch kar tum to phir ta.ammul na chāhiye thā
ki rah ga.ī mere dil kī hasrat shahīd-e-teġh-e-darañg ho kar

jise dard-e-nāla-o-āh hai jo shahīd-e-teġh-e-nigāh hai
shab-e-hijr us kī gavāh hai vo 'habīb'-e-sīna-figār hai

ye ḳhudā hī jaane vo kaun thā jo shahīd-e-nāz-o-adā huā
ki uḌī hai ḳhāk-e-rah-e-sanam to ḳhizāñ meñ rañg-e-bahār hai

shahīd nāz-o-adā kā tire zamāna huā
uḌāyā mehñdī ne dil chor kā bahāna huā

ab kyā shahīd-e-nāz bane phir rahe haiñ log
marne kā shauq thā to sardār kyuuñ na the

shahīd-e-shab faqat ahmad-'farāz' hī to nahīñ
ki jo charāġh-ba-kaf thā vahī nishāna huā

na intizār karo in kā ai azā-dāro
shahīd jaate haiñ jannat ko ghar nahīñ aate

tire shahīd ke jeb-e-kafan meñ ai qātil
gulāl se bhī hai rañg-e-abīr laal huā

hogī ab ārāsta turbat shahīd-e-nāz kī
chādar-e-gul bichhtī hai sham-e-mazār aane ko hai

chaak aatā hai nazar pairāhan-e-sub.h-e-bahār
kis shahīd-e-nāz ko dekhā hai kafnāte hue

abrū se un ke ġhamza tīr-e-adā lagātā
ye dil qatīl hotā ye jaañ shahīd hotī

mire shahīd tire nā-e-pāk se qaumeñ
kareñgī āya-e-hubb-e-vatan kī tafsīreñ

basī hai jañg-e-sirañgā-paTām āñkhoñ meñ
kisī shahīd pe saaya kiye haiñ shamshīreñ

shahīd-e-zinda-e-jāved haiñ vahī sāvañt
jo nām-e-pāk-e-vatan par laḌeñ mareñ māreñ

payām-e-sa.ī-e-sar-afrāzī-e-vatan hai tū
shahīd-o-ġhāzī-o-jarrār-o-saf-shikan hai tū

hai jo ki shahīd teġh-e-taslīm
hai misl-e-ḳhizar hayāt us kī

ye uḌ rahī hai jo ḳhūñ-rañg ḳhaak har jānib
kisī shahīd-e-junūñ kā mazār raah meñ hai